MORBI:મોરબી મહાનગરપાલિકા ટી દ્વારા વોર્ડ નં. ૪ અને ૬ માં સ્વચ્છતાની આકસ્મિક ચકાસણી
MORBI:મોરબી મહાનગરપાલિકા ટી દ્વારા વોર્ડ નં. ૪ અને ૬ માં સ્વચ્છતાની આકસ્મિક ચકાસણી
મોરબી મહાનગરપાલિકાની સોલિડ વેસ્ટ મેનેજમેન્ટ (SWM) શાખા દ્વારા આજે માનનીય ડેપ્યુટી મેયરશ્રીના અધ્યક્ષ સ્થાને શહેરના વોર્ડ નં. 4 અને વોર્ડ નં. 6 માં વિઝિબલ કલીનલિનેસ (Visible Cleanliness) અંતર્ગત વિશેષ સ્થળ નિરીક્ષણ (વિઝિટ) હાથ ધરવામાં આવ્યું હતું. આ નિરીક્ષણ દરમિયાન વોર્ડના મુખ્ય માર્ગો, આંતરિક રસ્તાઓ, જાહેર સ્થળો, ખુલ્લા પ્લોટ, કચરા સંગ્રહ સ્થળો, ડોર-ટુ-ડોર કચરા સંગ્રહની કામગીરી, જાહેર શૌચાલયો, ગટર તથા ડ્રેનેજની સ્વચ્છતા સહિત વિવિધ મુદ્દાઓની ઝીણવટપૂર્વક સમીક્ષા કરવામાં આવી હતી. જ્યાં સફાઈ વ્યવસ્થામાં સુધારાની જરૂરિયાત જણાઈ. ત્યાં સંબંધિત … અધિકારીઓ, સેનિટરી ઇન્સ્પેક્ટર, સેનિટરી સબ ઇન્સ્પેક્ટર અને સફાઈ એજન્સીને તાત્કાલિક જરૂરી કામગીરી પૂર્ણ કરવા સૂચનાઓ – આપવામાં આવી હતી.વિઝિટ દરમિયાન શહેરમાં સ્વચ્છતા જળવાઈ રહે, કચરાનો સમયસર ઉપાડ થાય, જાહેર સ્થળોએ કચરો ન ફેલાય તેમજ નાગરિકોને સ્વચ્છ અને સ્વસ્થ વાતાવરણ મળી રહે તે માટે સતત દેખરેખ રાખવા પર વિશેષ ભાર મૂકવામાં આવ્યો હતો. તેમજ સ્વચ્છતા સંબંધિત કામગીરીને વધુ અસરકારક બનાવવા માટે જરૂરી માર્ગદર્શન પણ આપવામાં આવ્યું હતું.
માનનીય ડેપ્યુટી મેયરશ્રીએ શહેરને સ્વચ્છ અને સુંદર બનાવવા માટે તમામ અધિકારીઓ, કર્મચારીઓ તથા સફાઈ એજન્સીને જવાબદારીપૂર્વક કામગીરી કરવાની અપીલ કરી હતી. તેમણે જણાવ્યું હતું કે મોરબી મહાનગરપાલિકા દ્વારા શહેરના તમામ વોર્ડમાં નિયમિત રીતે વિઝિબલ ક્લીનલિનેસ નિરીક્ષણ કરવામાં આવશે અને સ્વચ્છતા બાબતે કોઈપણ પ્રકારની બેદરકારી સહન કરવામાં આવશે નહીં.
