બાલાસિનોરમાં ટ્રાફિક સમસ્યા નિવારણ અને રોડ સેફ્ટી અર્થે સેવાલિયા-વીરપુર રોડ પરથી ૨૦૦થી વધુ કાચા-પાકા દબાણો દૂર કરાયા
બાલાસિનોરમાં ટ્રાફિક સમસ્યા નિવારણ અને રોડ સેફ્ટી અર્થે સેવાલિયા-વીરપુર રોડ પરથી ૨૦૦થી વધુ કાચા-પાકા દબાણો દૂર કરાયા….
રિપોર્ટર અમીન કોઠારી મહીસાગર
બાલાસિનોરમાં ટ્રાફિક સમસ્યા નિવારણ અને રોડ સેફ્ટી અર્થે સેવાલિયા-વીરપુર રોડ પરથી ૨૦૦થી વધુ કાચા-પાકા દબાણો દૂર કરાયા
*****
પ્રાંત અધિકારી, મામલતદાર, ચીફ ઓફિસર સહિત વિવિધ વિભાગોના સંયુક્ત ઉપક્રમે મેગા ડિમોલિશન ડ્રાઇવ હાથ ધરાઈ
*****
બાલાસિનોર શહેરમાં ટ્રાફિક નિયમન, રોડ સેફ્ટી તથા સ્વચ્છતા સુનિશ્ચિત કરવાના ઉદ્દેશ સાથે વહીવટી તંત્ર દ્વારા સંયુક્ત રીતે મેગા દબાણ હટાવો ઝુંબેશ હાથ ધરવામાં આવી હતી. જેમાં સેવાલિયા-બાલાસિનોર-વીરપુર મુખ્ય માર્ગ પર બંને તરફ આવેલા ૨૦૦થી વધુ કાચા અને પાકા દબાણો દૂર કરવામાં આવ્યા હતા.
આ કામગીરી અંગે માહિતી આપતાં બાલાસિનોર પ્રાંત અધિકારીશ્રીએ જણાવ્યું હતું કે, શહેરમાં રોડ સેફ્ટી, સ્વચ્છતા અને દબાણોના કારણે સર્જાતી ટ્રાફિકની સમસ્યાના કાયમી નિરાકરણ અર્થે આ ખાસ ડ્રાઇવનું આયોજન કરવામાં આવ્યું છે. આ ઝુંબેશ અંતર્ગત પ્રથમ તબક્કામાં સેવાલિયા-વીરપુર રોડ પર બંને બાજુ અંદાજે ૧ કિલોમીટર વિસ્તારમાં માર્ગ અવરોધક કાચા-પાકા દબાણો હટાવવાની કામગીરી પૂર્ણ કરવામાં આવી છે અને આગામી દિવસોમાં શહેરના અન્ય વિસ્તારોમાં પણ આ ઝુંબેશ સતત કાર્યરત રહેશે.
આ મેગા ડિમોલિશન કામગીરીમાં તાલુકા વહીવટી તંત્ર, બાલાસિનોર નગરપાલિકા, પોલીસ તંત્ર, માર્ગ અને મકાન વિભાગ (સ્ટેટ) તેમજ એમજીવીસીએલ (MGVCL) સહિતના વિવિધ વિભાગોની ટીમોએ સંકલનમાં રહીને સુચારૂ કામગીરી હાથ ધરી હતી.
