MORBI:મોરબીમાથી અપહરણ થયેલ સગીરવયના બાળકને તથા આરોપીને શોધી કાઢતી મોરબી પોલીસ
MORBI:મોરબીમાથી અપહરણ થયેલ સગીરવયના બાળકને તથા આરોપીને શોધી કાઢતી મોરબી પોલીસ
તા.૨૫/૮/૨૦૨૪ ના બપોરના સમયે ફરીયાદીનો સગીરવયનો ઉ..૧૩ વર્ષ ૭ માસ નો દિકરો ફરીયાદીએ તેની મોબાઇલ ની દુકાનેથી અન્ય દુકાને સીમકાર્ડની પીન લેવા સારૂ મોકલતા ફરીયાદી નો દિકરો સાંજ સુધી પરત આવેલ નહી જેથી ફરીયાદીએ મોરબી શહેરમાં તેમજ તેમના વતનમાં તપાસ કરતા તેમનો દિકરો મળી આવેલ ન હતો જેથી મોરબી સીટી એ ડીવીઝન પોલીસ સ્ટેશન ખાતે આ બાબત ની જાણ કરતા ફરીયાદીની ફરીયાદ લઇ મોરબી સીટી એ ડીવી.પો.સ્ટે ગુ.ર.નં.૧૪૩૦/૨૦૨૪ બી.એન.એસ કલમ.૧૩૭(૨) મુજબ ગુનો રજીસ્ટર કરવામા આવેલ હતો
બાદ પોલીસ સ્ટેશનની અલગ અલગ ટીમો બનાવી સ્થાનિક દુકાનોના સી.સી.ટી.વી ફુટેજ તેમજ મોરબી શહેરમા લગાવવામા આવેલ “નેત્રમ” પ્રોજેકટ હેઠળના સી.સી.ટી.વી કેમેરા ચેક કરતા ખોવાયેલ છોકરો એક સાધ્વી મહીલા સાથે જતો જોવામા આવેલ હતો જેથી ખાનગીરાહે ચોક્કસ હકિકત મળેલ કે આ સાધ્વી હાલમા જુનાગઢ, પરબાધામ તેમજ અલગ અલગ આશ્રમો તેમજ ધર્મશાળાઓમા આશ્રય લેતી ફરે છે.જેથી એક ટીમને જુનાગઢ બાજુ તપાસમાં રવાના કરવામા આવેલ હતી અને ત્યા જેટલા આશ્રમો તેમજ ધાર્મીક સ્થળો હોય ત્યા ચેક કરી માહીતી મેળવતા આ અપહરણ થયેલ સગીરવયનો છોકરો તથા આરોપી સાધ્વી જુનાગઢ ના કેશોદ તાલુકામાંથી મળી આવેલ હતા અને ત્યાથી આરોપી તથા સગીરવયના બાળકને પોલીસ સ્ટેશન ખાતે લાવી સગીરવયના બાળકની મેડીકલ તપાસણી કરી તેમના વાલીવારસને સોપી આપવામા આવેલ છે.તેમજ આરોપી. આશાબેન ઉર્ફે સમીરાનંદ ઉર્ફે શ્રધ્ધાનંદ મોહનભાઇ ભીલ ઉ.વ.૪૨ રહે.નીચાકોટડા તા.મહુવા જી.ભાવનગર તથા માંડવી ડોનપાટીયા આશાપુરા આશ્રમ જી.કચ્છ સ્ત્રીને અટક કરી આગળની કાર્યવાહી હાથ ધરવામાં આવેલ છે.
