હિંમતપુરા ગામે રોડ ક્રોસ કરતી મહિલાને મોટરસાયકલ ચાલકે અડફેટે લેતા મહિલાને ફેક્ચર.નોંધાઈ ફરિયાદ
૧૮/૦૪/૨૦૨૫
સાજીદ વાઘેલા કાલોલ
કાલોલ પોલીસ સ્ટેશન ખુમનભાઈ કોયાભાઈ રાઠોડ દ્વારા નોંધાવેલી ફરિયાદની વિગતો જોતા તેઓના પત્નીબેન તથા ઘરની સામે રહેતા કુટુંબીકાકી વિમળાબેન એ રીતના ત્રણે સોમવારે ખેતરમાં ઘાસ કાપવા ગયા હતા અને ઘાસ કાપી સાંજના સાત એક વાગ્યા ના સુમારે પરત આવતા હતા ત્યારે હિંમતપુરા ગામે રોડ ક્રોસ કરતા સમયે એક મોટર સાયકલ ચાલક જીજે 06 કેસી 8409 ના ચાલકે પોતાનું વાહન પૂર ઝડપે અને ગફલત ભરી રીતે હંકારી વિમળાબેનને અડફેટમાં લઈ અકસ્માત કરતા તેઓ રોડની કિનારી પર પડી ગયા હતા અને તેઓને જમણા પગ તેમજ ડાબા પગે ઇજાઓ પહોંચી હતી તેઓને 108 મારફતે કાલોલ રેફરલ હોસ્પિટલમાં પ્રાથમિક સારવાર કરાવ્યા બાદ વધુ સારવાર માટે કાલોલની ખાનગી હોસ્પિટલમાં લઇ જવામાં આવ્યા હતા જ્યાં તેઓને જમણા પગ ફેક્ચર થયું હોવાનું નિદાન થયેલ છે બાદ કાલોલ પોલીસ મથકે ફરિયાદ નોંધાવતા પોલીસે ગુનો દાખલ કરી આગળની તપાસ શરૂ કરી છે
