ઘોઘંબા તાલુકાના અંતરિયાળ વિસ્તારમાં આવેલ શ્રી સી. એચ.બારીઆ વિદ્યાલય વાવ માધ્યમિક શાળાના બાળકોને સેવા ગૃપ દ્વારા નોટબુકનું વિતરણ કરવામાં આવ્યું
રિપોર્ટર. કાદિર દાઢી.હાલોલ
તા.૩.૮.૨૦૨૪
સેવા ગ્રુપ એ સનફાર્મા (હાલોલ પ્લાન્ટ)માં કામ કરતા હાલોલના મયંક દરજી સહિતના મિત્રોનું ગ્રુપ સેવાકીય પ્રવૃતિઓ કરી રહ્યું છે.આ ગૃપમાં જોડાયેલા સેવાભાવી મિત્રો દર મહિને તેમના માસિક પગારમાંથી યથાશક્તિ પ્રમાણે ફાળો આપીને ભેગા કરેલા ભંડોળમાંથી દરેક મહીનામાં જરૂરીયાતમંદો માટે મદદગાર થવાનું સેવાકાર્ય કરવામાં આવે છે.જે શનિવાર ના રોજ વાવ પ્રાથમિક શાળા ખાતે નોટ- ચોપડાનું વિતરણ કરવામાં આવ્યું હતું.જેમાં મયંકભાઇ તેમજ વિમલભાઈ, સંદીપભાઈ ના હસ્તે જરૂરીયાતમંદ બાળકોને નોટબુક- ચોપડા વિતરણ કરવામાં આવ્યું હતું. આ પ્રસંગે શાળાના આચાર્ય ભઈલાલભાઈ પટેલ અને એમના શિક્ષક ગણ અમૂલ્ય સેવા આપવા બદલ સૌનો આભાર વ્યક્ત કર્યો હતો.તદ્ઉપરાંત સેવાભાવી યુવકોએ સેવાકાર્ય સાથે પર્યાવરણ ની જાગૃતિ માટે શાળા પ્રાંગણમાં બાળકો અને શિક્ષકો સાથે વૃક્ષારોપણ કર્યું હતું.આ સ્કૂલમાં બાળકોના માતા પિતા કળિયા કામ મજૂરી કરે છે અને અમુક બાળકોના માતા પિતા ન હોય એવા બાળકો અભ્યાસ કરે છે અને આ સ્કૂલ ભાળાના મકાનમાં ચાલે છે જેથી આ ગ્રુપ દ્વારા સેવાકિય પ્રવૃત્તિ કરવામા આવી હતી.
