રિપોર્ટર. કાદિર દાઢી.હાલોલ
તા.૧૫.૮.૨૦૨૪
કલરવ શાળામાં 78 માં સ્વાતંત્ર્ય દિનની ભવ્ય ઉજવણી કરવામાં આવી હતી આ સમગ્ર કાર્યક્રમનું સંચાલન શાળાની શિક્ષકા પ્રભાબેન પેશરાણા તેમજ પ્રતિનિધિત્વ ધો. ૯ ની વિદ્યાર્થીની આસ્થા દ્વારા કરવામાં આવ્યો હતો.ધ્વજ વંદન કાર્યક્રમની શરૂઆત સવારે 8:00 વાગ્યે થઈ.જેમાં મુખ્ય અતિથિ વિશેષ તરીકે શાળામાં ફરજ બજાવતા શિક્ષિકા મનિષાબેન વાળંદ ના વરદ હસ્તે ધ્વજ વંદન કરવામાં આવ્યું હતું.આ દિન નિમિત્તે ઉપસ્થિત મહેમાન નું સ્વાગત અંગ્રેજી માધ્યમ ના ધોરણ 4 માં અભ્યાસ કરતા વિદ્યાર્થી ઓમ પરમારે કર્યું હતું. ત્યારબાદ મહેમાન નો પરિચય શાળાની શિક્ષિકા ધર્મિષ્ઠા વરિયા એ આપ્યો. આ દિન નિમિત્તે મુખ્ય મહેમાન એ પ્રસંગોચિત વક્તવ્ય આપ્યું જેમાં તેમને દેશની આઝાદીની તેમજ વર્તમાન ભારત દેશની વાત કરવામાં આવી. ત્યારબાદ શાળાના શિક્ષિકા કિંજલબેન સુથાર એ મહેમાન ને સ્મૃતિચિન્હ અર્પણ કર્યું. આ દિન નિમિત્તે શાળાના આચાર્ય ડૉ .કલ્પનાબેન જોશીપુરાએ પ્રસંગોચિત વક્તવ્ય આપ્યું. જેમાં તેમને દેશની આઝાદીની સાથે આપણા વડાપ્રધાન ના દેશની પ્રગતિ માટેના વિચારોની વાત કરી હતી. આ દિન નિમિત્તે શાળા કક્ષાએ દેશભક્તિ ગીત સ્પર્ધાનું આયોજન કરવામાં આવેલ. જેમાં શાળાના વિદ્યાર્થીઓ શિક્ષકો તેમજ વાલીઓએ ઉત્સાહભેર ભાગ લીધો હતો. વિજેતા બનનાર વિદ્યાર્થીઓ તેમજ વાલીઓને પ્રથમ, દ્વિતીય અને તૃતીય નંબર આપીને પ્રમાણપત્રથી પ્રોત્સાહિત કરવામાં આવ્યા હતા.આ સ્વાતંત્ર્ય દિન ના કાર્યક્રમને વિદ્યાર્થીઓ અને વાલીઓ પરોક્ષ નિહાળી શકે તે માટે શાળા તરફથી શાળાના ફેસબુક પેજ પર જીવંત પ્રસારણ કરવામાં આવ્યું. અંતમાં ગુજરાતી માધ્યમ ધોરણ 4 માં અભ્યાસ કરતી વિદ્યાર્થીની કાવ્યા પરમાર એ આભાર વિધિ વ્યક્ત કરી હતી. અંતમાં વિદ્યાર્થીઓને રોટરી ક્લબ ઓફ હાલોલ દ્વારા બધા જ વિદ્યાર્થીઓને બિસ્કીટની વહેચણી પણ કરવામાં આવી હતી.
