નરેશપરમાર, કરજણ,
કરજણ-ડભોઈ રોડની કામગીરીમાં ધૂળનીડમરીથી વાહન ચાલકો હેરાન
કરજણ-ડભોઇ રોડની હાલ ચાલતી કામગીરી દરમિયાન રોડ ઉપર ઊડતી ધૂળની ડમરીઓથી વાહનચાલકો હેરાન-પરેશાન થઇ ગયા છે. રોડ ઉપર પાણીનો છંટકાવ થાય તેવી માગ ઉઠી છે.
કરજણથી ડભોઈને જોડતા નવીન રોડની કામગીરી છેલ્લા ત્રણ મહિનાથી ચાલે છે. પરંતુ મંથરગતિએ ચાલતી કામગીરી અને ખોદેલા રોડ પર પાણીનો છંટકાવ ન કરાતા પૂધૂળની ડમરીઓ ઉડવાથી બાઈક ચાલકો હેરાન પરેશાન થાય છે. રાત્રિના સમયે તો બાઈક તો ઠીક, ફોરવ્હીલ ચાલકો પણ પરેશાન થઈ
જાય છે. સરકાર દ્વારા વિવિધ ગ્રાન્ટોમાંથી લોકોને સગવડતા માટે રોડ રસ્તા બનાવે છે. લાખો અને કરોડો રૂપિયાના ખર્ચે રોડ મંજૂર થયા બાદ કામગીરી ચાલુ કરાય છે. પરંતુ જે તે ઇજારદારો દ્વારા કામગીરીમાં ધ્યાન ન અપાતા રોડ સમયસર બનતા નથી. અને રોડની કામગીરી આડેપડ કરતા થોડા મહિનાઓ બાદ રોડની હાલત ખખડધજ બને છે.કરજણ- ડભોઇ રોડનું ખાતમુહૂર્ત તા.૪ ઓક્ટોબરના રોજ કરવામાં આવેલ છે. રોડ ઉપર અસંખ્ય વાહનોની અવરજવર થતી હોય છે. જે નવીન રોડની કામગીરી મંથરગતિએ ચાલે છે.
હાલમાં રોડ ખોદી નાખેલ છે. રોડ ઉપર પાણીનો છંટકાવ પણ કરતા ન હોવાથી ધૂળની ડમરીઓ જબરજસ્ત ઉડે છે. જેથી બાઈક ચાલકોને રોડ ઉપરથી પસાર થવું મુશ્કેલી પડે છે. જ્યારે રાત્રિના સમયે ફોરવીલ ચાલકોને પણ મુશ્કેલીનો સામનો કરવો પડે છે. ઈજારદારો રોડ બનાવવાનું કામ હાથમાં લેતા હોય છે. પરંતુ કામગીરીમાં ધ્યાન આપતા નથી. જેમાં લોકોને મુશ્કેલીનો સામનો કરવો પડે છે. વહેલી તકે ધૂળની ડમરીઓથી છુટકારો મળે તેવી માગ ઉઠી છે.
