કરણી સેનાના રાષ્ટ્રીય અધ્યક્ષ મહિપાલસિંહ મકરાણાની પોલીસે કરી અટકાયત

રૂપાલાના ક્ષત્રિય સમાજને લઇને આપવામાં આવેલા નિવેદન મામલે કરણી સેનાના રાષ્ટ્રીય અધ્યક્ષ મહિપાલસિંહ મકરાણા ગુજરાત આવ્યા છે. અમદાવાદ બોપલ વિસ્તારમાં મહિપાલસિંહ મકરાણાની પોલીસ દ્વારા અટકાયત કરવામાં આવી છે. કરણી સેનાના રાષ્ટ્રીય અધ્યક્ષ જોહર કરવાની ચિમકી આપનાર મહિલાઓને મળવા જતા હતા આ દરમિયાન પોલીસ દ્વારા તેમને અટકાવવામાં આવ્યા હતા. મહિપાલસિંહે કહ્યું કે- હું કોઇનાથી ડરતો નથી, મારી અનેક વખત અટકાયત કરવામાં આવી છે.

કરણી સેનાના રાષ્ટ્રીય અધ્યક્ષ મહિપાલસિંહ મકરાણા અમદાવાદના બોપલ વિસ્તારમાં જોહર કરવાની ચિમકી ઉચ્ચારનાર 5 ક્ષત્રિયાણી મહિલાઓને મળવા માટે પહોંચ્યા હતા. આ ક્ષત્રિયાણી મહિલાઓને ઘરમાં નજરકેદ કરવામાં આવી છે. જોકે, પોલીસે  મહિપાલસિંહ મકરાણાને મળવા જવા દીધા ન હતા અને તેમની અટકાયત કરી હતી.