ડાંગ જિલ્લાનાં ગામડાઓમાં સાર્વત્રિક વરસાદ વરસતા નદીઓનાં વહેણ તેજ બન્યા.. સાપુતારા 20-08-2025 ડાંગ જિલ્લાનાં ગામડાઓમાં છેલ્લા બે દિવસથી મેઘરાજાએ તોફાની બેટિંગ કરતા સર્વત્ર પાણીની રેલમછેલ ફરી વળી હતી.મંગળવારે મોડી સાંજથી બુધવારે દિવસ દરમ્યાન ગિરિમથક સાપુતારા, શામગહાન,સાકરપાતળ, વઘઇ,ચીકાર,ઝાવડા,ભેંસકાતરી,કાલીબેલ,પીંપરી,બરડીપાડા,આહવા,પીપલદહાડ,પીપલાઈદેવી,ચિંચલી,ગારખડી,બોરખલ,ગલકુંડ, સુબિર, સિંગાણા સહીત પૂર્વપટ્ટી અને સરહદીય પંથકોમાં ક્યાંક મધ્યમ તો ક્યાંક ધોધમાર સ્વરૂપેનો વરસાદ તૂટી પડતા સર્વત્ર પાણીની રેલમછેલ ફરી વળી હતી.ડાંગ જિલ્લામાં વરસાદી માહોલનાં પગલે લોકમાતાઓમાં અંબિકા,ખાપરી,પૂર્ણા,ગીરા અને ધોધડ નદીનાં વહેણ તેજ બનતા બન્ને કાંઠે થઈ વહેતી જોવા મળી હતી.સાથે જ વહેળા, કોતરડા,ઝરણાઓ પણ ગાંડાતુર બન્યા હતા.સતત બે દિવસથી વરસાદી માહોલ જામતા વઘઇનો ગીરાધોધ અને ગિરમાળનો ગીરાધોધ,શિવઘાટનો ધોધ અને આંકડાનો ધોધ સોળે કળાએ ખીલી ઉઠ્યા હતા.ગિરિમથક સાપુતારા ખાતે વરસાદી હેલીઓની વચ્ચે ગાઢ ઘુમ્મસિયા વાતાવરણની સફેદ ચાદર ઓઢાઈ રહેતા જોવાલાયક સ્થળો આહલાદક બની જવા પામ્યા હતા.સાપુતારામાં ગાઢ ઘુમ્મસિયા વાતાવરણનાં પગલે વાહનચાલકોને વાહનોની સિગ્નલ લાઈટ ચાલુ રાખી વાહનો હંકારવાની નોબત ઉઠી હતી.ડાંગ જિલ્લા ડિઝાસ્ટર વિભાગનાં જણાવ્યા અનુસાર છેલ્લા 24 કલાક દરમ્યાન વઘઇ પંથકમાં 85 મીમી અર્થાત 3.4 ઇંચ,આહવા પંથકમાં 62 મીમી અર્થાત 2.48 ઈંચ, સુબીર પંથકમાં 52 મીમી અર્થાત 2.08 ઈંચ જ્યારે સાપુતારા પંથકમાં 43 મીમી અર્થાત 1.72 ઈંચ જેટલો વરસાદ નોંધાયો હતો..
વાત્સલ્યમ સમાચાર
મદન વૈષ્ણવ
ડાંગ જિલ્લાનાં ગામડાઓમાં છેલ્લા બે દિવસથી મેઘરાજાએ તોફાની બેટિંગ કરતા સર્વત્ર પાણીની રેલમછેલ ફરી વળી હતી.મંગળવારે મોડી સાંજથી બુધવારે દિવસ દરમ્યાન ગિરિમથક સાપુતારા, શામગહાન,સાકરપાતળ,વઘઇ,ચીકાર,ઝાવડા,ભેંસકાતરી,કાલીબેલ,પીંપરી,બરડીપાડા,આહવા,પીપલદહાડ,પીપલાઈદેવી,ચિંચલી,ગારખડી,બોરખલ,ગલકુંડ, સુબિર, સિંગાણા સહીત પૂર્વપટ્ટી અને સરહદીય પંથકોમાં ક્યાંક મધ્યમ તો ક્યાંક ધોધમાર સ્વરૂપેનો વરસાદ તૂટી પડતા સર્વત્ર પાણીની રેલમછેલ ફરી વળી હતી.ડાંગ જિલ્લામાં વરસાદી માહોલનાં પગલે લોકમાતાઓમાં અંબિકા,ખાપરી,પૂર્ણા,ગીરા અને ધોધડ નદીનાં વહેણ તેજ બનતા બન્ને કાંઠે થઈ વહેતી જોવા મળી હતી.સાથે જ વહેળા, કોતરડા,ઝરણાઓ પણ ગાંડાતુર બન્યા હતા.સતત બે દિવસથી વરસાદી માહોલ જામતા વઘઇનો ગીરાધોધ અને ગિરમાળનો ગીરાધોધ,શિવઘાટનો ધોધ અને આંકડાનો ધોધ સોળે કળાએ ખીલી ઉઠ્યા હતા.ગિરિમથક સાપુતારા ખાતે વરસાદી હેલીઓની વચ્ચે ગાઢ ઘુમ્મસિયા વાતાવરણની સફેદ ચાદર ઓઢાઈ રહેતા જોવાલાયક સ્થળો આહલાદક બની જવા પામ્યા હતા. સાપુતારામાં ગાઢ ઘુમ્મસિયા વાતાવરણનાં પગલે વાહનચાલકોને વાહનોની સિગ્નલ લાઈટ ચાલુ રાખી વાહનો હંકારવાની નોબત ઉઠી હતી.ડાંગ જિલ્લા ડિઝાસ્ટર વિભાગનાં જણાવ્યા અનુસાર છેલ્લા 24 કલાક દરમ્યાન વઘઇ પંથકમાં 85 મીમી અર્થાત 3.4 ઇંચ,આહવા પંથકમાં 62 મીમી અર્થાત 2.48 ઈંચ, સુબીર પંથકમાં 52 મીમી અર્થાત 2.08 ઈંચ જ્યારે સાપુતારા પંથકમાં 43 મીમી અર્થાત 1.72 ઈંચ જેટલો વરસાદ નોંધાયો હતો..
