વાત્સલ્યમ સમાચાર
મદન વૈષ્ણવ-ડાંગ
ડાંગ જિલ્લાની એલસીબી પોલીસની ટીમે બાતમીના આધારે આહવા પોલીસ મથકે અપહરણ ગુન્હામાં છેલ્લા બે મહિનાથી વોન્ટેડ આરોપીને સુરત શહેર ખાતેથી ઝડપી પાડ્યો હતો.ડાંગ જિલ્લાનાં એલસીબી પી.એસ.આઈ.કે.જે.નિરંજનની ટીમને ખાનગી રાહે બાતમી મળી હતી કે,આહવા પોલીસ મથકે અપહરણના ગુનામાં સંડોવાયેલ વોન્ટેડ આરોપી દાઉદ સખારામભાઈ પવાર જે સુરત શહેરના ભીંડી બજાર ભેસ્તાન એરીયા પાસે આવેલ ઝૂંપડપટ્ટીમાં રહી મજૂરી કામ કરે છે.જે બાતમીના આધારે ડાંગ જિલ્લા એલસીબી પોલીસ સ્ટાફનાં માણસોએ સુરત શહેરના ભીંડી બજારનાં ઝૂંપડપટ્ટીમાંથી આહવા પોલીસ મથકે છેલ્લા બે માસથી અપહરણના ગુનામાં નાસતા ફરતા વોન્ટેડ આરોપી દાઉદ સખારામભાઈ પવાર (રહે. પિપલાઈદેવી, તા.સુબીર જી.ડાંગ ) ને ઝડપી પાડ્યો હતો.તેમજ આરોપીની અટકાયત કરી આરોપીનો કબજો આહવા પોલીસને સોંપવામાં આવેલ છે.હાલમાં આહવા પોલીસની ટીમે આરોપીનો કબજો મેળવી આગળની કાર્યવાહી હાથ ધરી છે..
