અરવલ્લી
અહેવાલ – હિતેન્દ્ર પટેલ
*અરવલ્લી જિલ્લામાં આયુષ મેળા દ્વારા મોડાસા તાલુકામાં વિનામૂલ્યે આયુર્વેદ અને હોમિયોપેથી મેગા કેમ્પનું આયોજન*
*આયુષ મેળામાં પરંપરાગત ચિકિત્સા પદ્ધતિઓનું જીવંત પ્રદર્શન અને જાગૃતિ….વિનામૂલ્યે આયુષ મેગા કેમ્પ અને આયુર્વેદથી હોમિયોપેથી સુધીની સંપૂર્ણ માહિતી*
અરવલ્લી જિલ્લામાં આરોગ્ય અને પરિવાર કલ્યાણ વિભાગ, ગુજરાત સરકાર તથા નિયામકશ્રી આયુષની કચેરી, ગાંધીનગરના માર્ગદર્શન હેઠળ આયુર્વેદ શાખા અરવલ્લી દ્વારા આયોજિત આયુષ મેળો વિનામૂલ્યે આયુર્વેદ અને હોમિયોપેથી નિદાન-સારવાર મેગા કેમ્પનું મોડાસા તાલુકામાં ઉમિયા ધામ ખાતે યોજાયો.આરોગ્ય અને પરિવાર કલ્યાણ વિભાગ, ગુજરાત સરકાર તથા નિયામક આયુષની કચેરી, ગાંધીનગરના માર્ગદર્શન અને સહયોગ હેઠળ આયુર્વેદ શાખા, અરવલ્લી જિલ્લા દ્વારા આયોજિત આયુષ મેળોના ભાગરૂપે વિનામૂલ્યે આયુર્વેદ અને હોમિયોપેથી નિદાન-સારવાર મેગા કેમ્પનું આયોજન મોડાસા તાલુકાના પ્રસિદ્ધ ઉમિયા ધામ ખાતે સફળતાપૂર્વક યોજાયું હતું.
આ મેગા કેમ્પમાં આયુર્વેદ અને હોમિયોપેથીના અનુભવી ડોક્ટરો દ્વારા વિનામૂલ્યે વિગતવાર નિદાન (ચેક-અપ), પરામર્શ અને સારવારની સુવિધા ઉપલબ્ધ કરાવવામાં આવી હતી. લોકોને આયુષ (આયુર્વેદ, યોગ અને નેચરોપેથી, યુનાની, સિદ્ધ અને હોમિયોપેથી) પરંપરાગત ચિકિત્સા પદ્ધતિઓના લાભો વિશે જાગૃતિ અને માહિતી આપવામાં આવી હતી.કેમ્પમાં અલગ-અલગ વિભાગો દ્વારા આયુષની વિવિધ પદ્ધતિઓ વિશે વિસ્તૃત માહિતી અને પ્રદર્શન આપવામાં આવ્યું હતું: આયુષ મેળાના મેગા કેમ્પમાં અલગ-અલગ વિભાગો દ્વારા આયુર્વેદ, યોગ અને નેચરોપેથી, યુનાની, સિદ્ધ તથા હોમિયોપેથી પદ્ધતિઓ વિશે વિગતવાર માહિતી અને વ્યવહારિક પ્રદર્શન આપવામાં આવ્યું હતું, જેમાં આયુર્વેદને શરીર-મન-આત્માના સંતુલન પર આધારિત પ્રાચીન ભારતીય ચિકિત્સા પદ્ધતિ તરીકે રજૂ કરવામાં આવ્યો અને ઔષધીય વનસ્પતિઓ, પંચકર્મ, આહાર વિધાન તથા જીવનશૈલી દ્વારા રોગ નિવારણ અને સારવારની વિગતો સમજાવવામાં આવી, યોગ અને નેચરોપેથીમાં યોગાસન, પ્રાણાયામ, ધ્યાન તેમજ માટી ઉપચાર, જળ ઉપચાર, ઉપવાસ જેવા પ્રકૃતિ આધારિત ઉપચારો દ્વારા રોગપ્રતિરોધક શક્તિ વધારવા અને શારીરિક-માનસિક સ્વાસ્થ્ય સુધારવા માટે વ્યવહારિક માર્ગદર્શન આપવામાં આવ્યું, યુનાની પદ્ધતિને ગ્રીક-અરબી આધારિત તરીકે રજૂ કરીને શરીરના તત્વો (ખૂન, બલગમ, સફરા, સૌદા)ના સંતુલન પર ભાર મૂકી હર્બલ દવાઓ અને રેજીમેન્ટલ થેરાપી વિશે જાણકારી આપવામાં આવી, સિદ્ધ પદ્ધતિને દક્ષિણ ભારતીય (તમિલ) પરંપરાગત ચિકિત્સા તરીકે દર્શાવીને ધાતુઓ, ખનિજો અને વનસ્પતિઓના ઉપયોગથી તૈયાર થતી વિશેષ ઔષધીય તૈયારીઓ વિશે માહિતી આપવામાં આવી, તથા હોમિયોપેથીને “સમાનને સમાનથી ઉપચાર”ના સિદ્ધાંત પર આધારિત પદ્ધતિ તરીકે સમજાવીને અતિ સૂક્ષ્મ માત્રામાં દવાઓ દ્વારા શરીરની સ્વ-સારવાર ક્ષમતા જગાડવાની વાત કરી અને એલર્જી, ચામડીના રોગો, પાચન સમસ્યાઓ જેવા સામાન્ય રોગોની સારવાર તથા નિવારણ વિશે ચર્ચા કરવામાં આવી.આ કાર્યક્રમમાં જિલ્લા પંચાયત પ્રમુખ પ્રિયંકાબેન ડામોર, નગરપાલિકા પ્રમુખ નીરજભાઈ શેઠ,આયુષ નિયામક તેમજ મોટી સંખ્યામાં આયુર્વેદિક ડૉક્ટર અને તેમની ટિમ અને મોટી સંખ્યામાં નગરજનો ઉપસ્થિત રહ્યા.
