MORBI:મોરબી મહાનગરપાલિકા દ્વારા મકરસંક્રાંતિ સ્ટોલ મંજુરી બાબતે જાહેર સુચના.
MORBI:મોરબી મહાનગરપાલિકા દ્વારા મકરસંક્રાંતિ સ્ટોલ મંજુરી બાબતે જાહેર સુચના.
મોરબી: મકરસંક્રાંતિ તહેવારને અનુસંધાને પતંગ-દોરા સહિત તહેવારી વસ્તુઓની ખરીદી-વેચાણ સુગમ બને તે માટે મોરબી મહાનગરપાલિકા દ્વારા શહેરની નિર્ધારિત જગ્યાઓ પર સ્ટોલ મુકવાની મંજુરી આપવામાં આવશે. અરજી ૧૦ જાન્યુઆરી ૨૦૨૬ સુધી સ્વીકારાશે. નિયમોનું પાલન ન કરનાર સામે કાર્યવાહી થશે.
આગામી મકરસંક્રાંતિ તહેવાર દરમિયાન શહેરમાં વધતા વેપારને ધ્યાને લઈને મોરબી મહાનગરપાલિકા દ્વારા નાગરિકો અને વેપારીઓને સ્ટોલ મૂકવાની સુવિધા નિયત સ્થળોએ ઉપલબ્ધ કરાવવામાં આવશે. આ માટે ઇચ્છુક અરજદારોને મહાનગરપાલિકા કચેરીમાં લેખિત અરજી સાથે માન્ય ઓળખપત્ર તથા જરૂરી વ્યવસાય લાઇસન્સ સહિતની માહિતી રજૂ કરવી પડશે. અરજીની યોગ્ય ચકાસણી બાદ મંજુરી આપવામાં આવશે તેમજ મંજુર થયેલ અરજદારે નક્કી કરેલ ફી ભર્યા બાદ મળેલી નકલ સ્ટોલ પર સ્પષ્ટ રીતે દર્શાવવી ફરજિયાત રહેશે. અરજીઓ ૧૦ જાન્યુઆરી ૨૦૨૬ સુધી સ્વીકારવામાં આવશે. આ સાથે મહાનગરપાલિકાએ સ્પષ્ટ કર્યું છે કે મંજુરી વગર કોઈપણ સ્થળે વ્યાપાર કરવો દંડનીય રહેશે. સ્ટોલધારકોએ સ્વચ્છતા અને આરોગ્ય સંબંધિત તમામ શરતોનું કડક પાલન કરવાનું રહેશે, તેમજ જાહેર માર્ગો અને ટ્રાફિકમાં અવરોધ ઊભા કરનારની મંજુરી તાત્કાલિક રદ કરવામાં આવશે. મંજૂરી સંબંધિત તમામ અધિકારો મહાનગરપાલિકાને અબાધિત રહેશે, તેમ નાયબ કમિશનર (પ્રોજેક્ટ) દ્વારા જાહેર કરેલ યાદીમાં જણાવાયું છે.
