ભરૂચના સ્ટેશન રોડ પર પાંચબત્તી નજીક રીક્ષા ચાલકે વૃદ્ધાને અડફેટે લેતા તેમને ગંભીર ઈજા પહોંચી હતી. ઇજાગ્રસ્ત વૃદ્ધાને સારવાર અર્થે ખસેડવામાં આવ્યા છે.

સમીર પટેલ, ભરૂચ

ભરૂચ શહેરમાં અકસ્માતનો વધુ એક બનાવ સામે આવ્યો છે. શહેરના સ્ટેશન રોડ પર પાંચબત્તી નજીક આવેલ પાનમ પ્લાઝા પાસે એક વૃદ્ધ મહિલા રિક્ષામાંથી ઉતરી રોડ ક્રોસ કરી રહ્યા હતા આ દરમિયાન પુરઝડપે પસાર થઈ રહેલ અન્ય રિક્ષાના ચાલકે મહિલાને ટક્કર મારતા મહિલા રોડ પર પટકાયા હતા જેમાં તેઓને ગંભીર ઈજા પહોંચી હતી આ તરફ અકસ્માત સર્જી રીક્ષા ચાલક ફરાર થઈ ગયો હતો.આ દ્રશ્યો જોતા સ્થાનિકોના ટોળા ભેગા થઈ ગયા હતા અને ઇજાગ્રસ્ત વૃદ્ધ મહિલાને સારવાર અર્થે સિવિલ હોસ્પિટલ ખસેડવામાં આવ્યા હતા. બનાવની જાણ થતાની સાથે જ એ ડિવિઝન પોલીસનો કાફલો પણ ઘટના સ્થળે દોડી આવ્યો હતો અને અકસ્માત અંગે વધુ તપાસ હાથ ધરી છે.

Sorry, there was a YouTube error.