વાત્સલ્યમ સમાચાર
મદન વૈષ્ણવ
ડાંગ જિલ્લાનાં સાપુતારા ખાતે આવેલ લેકવ્યુ હોટેલમાં રૂમ અને લગ્ન પ્રસંગ કરવા માટે લોન્સ બુક કરવામાં આવી હતી.જોકે આ લગ્ન પ્રસંગ દરમિયાન કન્યાદાન આપવા માટેનાં સોના ચાંદીના દાગીના સહિત 4.65 લાખ રૂપિયાના મુદ્દામાલની બેગ એક યુવક ત્યાંથી લઈ ગયો હતો ,જે ઘટના સીસીટીવી કેમેરામાં કેદ થઈ હતી. ત્યારે આ અજાણ્યા ચોર ઈસમ દ્વારા સોના ચાંદીની બેગ ક્ષણભરમાં જ ગાયબ કરી દેતા ચકચાર મચી જવા પામી હતી.અને સમગ્ર મામલો સાપુતારા પોલીસ મથકે પહોંચ્યો હતો.નર્મદા જિલ્લાના દેડિયાપાડા ગામ ખાતે રહેતા હરીશભાઈ મોતીભાઈ અગ્રવાલની દીકરી પાયલનાં તા.02/02/2025નાં રોજ લગ્ન હોય, હરીશભાઈ અગ્રવાલે દીકરીના લગ્નના કન્યાદાનમાં આપવા માટે ભરૂચ ખાતેથી સોના ચાંદીના દાગીનાની ખરીદી કરી હતી.અને તા.01/02/2025 અને તા. 02/02/2025નાં રોજ સાપુતારા લેકવ્યુ હોટલમાં રૂમ અને લગ્ન પ્રસંગ કરવા માટે લોન્સ બુક કરાવેલ હતી. અને હરીશભાઈ અગ્રવાલ પરીવાર સાથે તા.01/02/2025નાં રોજ સાપુતારા લેકવ્યુ હોટલ ખાતે આવી ગયેલ હતા.તે જ દિવસે સાંજનાં છ વાગ્યે દીકરી પાયલ અને લવકુમાર રાજેન્દ્રકુમાર અગ્રવાલ સાથે સાપુતારા લેકવ્યુ હોટલ ખાતે લગ્નનાં સંગીત અને અન્ય પ્રસંગો રાખેલ હતા.જે બાદ તા.02/02/2025નાં રોજ જમાઇ લવ કુમારની મોસાળ વીધી રાખેલ હતી.અને મોસાળ વીધી પછી જમાઇ લવકુમારની લેકવ્યુ હોટલની બહાર રસ્તા ઉપરથી વરઘોડો લેકવ્યુ હોટલમાં આવતા સમાજના રીતી રીવાજ મુજબ જમાઇ લવકુમાર રાજેન્દ્રકુમારનાં વર ઘોડાનુ અને જાનૈયાઓનું સ્વાગત કરેલ અને ત્યાર પછી સમાજના રીતી રીવાજ મુજબ રાત્રિના આશરે સાડા દશેક વાગ્યે વરમાળા પહેરાવવા માટે સ્ટેજ પોગ્રામનું આયોજન કરેલ હતુ. તે વખતે હરિશભાઈની પત્ની સ્ટેજની પાસે દીકરી પાયલને કન્યાદાનમાં આપવા માટે એક બેગમાં લઈ આવેલ સોના ચાંદીના દાગીના જેમા (1)સોનાની ચેઇન ( જેની કિંમત રૂપિયા 83,883/- ),(2)સોનાનુ પેડલ 2.500 ગ્રામ ( જેની કિંમત રૂપિયા 20,715/- ), (3)કોમ્બો સોનાની કાનની બુટી ( જેની કિંમત રૂપિયા 43,646/-), (4)સોનાનો હાર (નેકલેશ) 13.530 ગ્રામ ( જેની કિંમત રૂપિયા 1,04345/- ) (5)સોનાનુ છડા (જેની કિંમત રૂપિયા 40,771/-), (6)ચાંદીના ઝાંઝર (જેની કિંમત રૂપિયા 5000/- ) તથા (7)ચાદીના સિકકા જેમા 5 ગ્રામના નંગ-15 તથા 10 ગ્રામ નો એક સિક્કો બન્ને મળી 85 ગ્રામ (જેની કિંમત રૂપિયા 8500/- ),(8) ચાંદીની ગાય 19.5ગ્રામ જેની કિંમત રૂપિયા 2000/- (9) એક કવરમાં દીકરીને કન્યાદાનમાં આપવા 51,000/- રોકડા તથા (10) લગ્નના કામ માટે રૂપિયા બેગમાં રાખેલ 1,00,000/-રૂપીયા રોકડા તેમજ (11) એક VIVO V20 મોબાઇલ ફોન જેની કિંમત રૂપિયા 5000/- એમ મળી કુલ કિ.રૂ.4,15, 260/- નો મુદામાલ હતો.તે બેગ હરીશભાઈ પાસે હતી અને હરીશભાઈ ની પત્ની તેમની બાજુની ખુરશી ઉપર બેસેલ હતી. અને દીકરી વરમાળાના પ્રસંગ વખતે લાઇટીંગ શો થતા હરીશભાઈ પાસેનો સોના ચાંદીના દાગીના અને રોકડા રૂપીયા અને મોબાઈલ મુકેલ બેગ ખુરશી ઉપર મુકી પત્નીને કહેલ કે, “આ બેગ સંભાળો હું આગળ દીકરી પાસે જાવુ છુ .”તેમ કહી આગળ ગયેલ હતો તેના બે મીનીટ પછી પત્નીએ હરીશભાઇ ને કહેલ કે, દીકરીને કન્યાદાનમાં લાવેલ સોના ચાંદીના દાગીના અને રોકડ રૂપીયા અને મોબાઈલ મુકેલ તે બેગ ખુરશી ઉપર નથી. જેથી બન્ને પતિ-પત્નીએ લગ્ન પ્રસંગમાં આવેલ સબંધીઓ અને વર પક્ષના મહેમાનોને પુછતા સોના ચાંદીના દાગીના અને રોકડા રૂપીયા અને મોબાઈલ મુકેલ બેગ મળી આવેલ નહી કે કોઇને બેગ જોવામાં આવેલ નહી હોવાનુ જણાવેલ હતુ.જેથી લેક્વ્યુ હોટલના સી.સી.ટી.વી. કેમેરા તથા વર પક્ષ તરફથી લાવેલ ડ્રોન કેમેરાના સી.સી.ટી.વી. કેમેરા ફૂટેજ જોતા પત્નીની પાછળની ખુરશી ઉપર બેસેલ એક સફેદ શર્ટ અને કાળુ પેન્ટ પહેરેલ તથા ખભા ઉપર બ્લેઝર મુકેલ એક અજાણ્યો પુરૂષ ઉમર આશરે 20 થી 25નો પુરૂષ સોના-ચાંદીના દાગીના અને રોકડ રૂપીયા તેમજ મોબાઇલ મુકેલ બેગ ખુરશી ઉપરથી ચોરી કરી લઈ હોટલમાંથી બહાર જતો જોવામાં આવેલ હોય.ત્યારે ચોરીને લઈને હરીશભાઈ અગ્રવાલે અજાણ્યા ચોર ઈસમ વિરુદ્ધ સાપુતારા પોલીસ મથકે ફરિયાદ નોંધાવેલ છે.હાલમાં સાપુતારા પોલીસ મથકનાં પી.આઈ.આર.એસ.પટેલ દ્વારા ચોરીનો ગુન્હો નોંધી આગળની કાર્યવાહી હાથ ધરી છે..
