ગુજરાતના સાબરકાંઠા જિલ્લામાં આવેલું ઐતિહાસિક નગર ઇડર ગઢ, જે ઇલ્વદુર્ગ તરીકે પણ ઓળખાય છે, ફરી એકવાર ચર્ચામાં છે. અરવલ્લીની ગિરિમાળાઓ વચ્ચે, અમદાવાદથી ૧૨૦ કિલોમીટર ઉત્તરે વસેલું આ શહેર પોતાના નૈસર્ગિક સૌંદર્ય માટે પ્રખ્યાત છે. ઇડર, જેનું પ્રાચીન નામ ઇલ્વદુર્ગ એટલે “ઇલ્વનો કિલ્લો” હતું, ઉનાળામાં તો અસહ્ય ગરમીનો સામનો કરે છે, પરંતુ ચોમાસાની શરૂઆત સાથે આ શહેરની પ્રકૃતિ સોળે કળાએ ખીલી ઊઠે છે. ખાસ કરીને, કુંજ કસ્બા વિસ્તારના ડુંગરોમાં આવેલાં ઝરણાં જીવંત બનતાં, અહીંની પ્રકૃતિ ચારે બાજુએ હરિયાળીનો ચાદર ઓઢી લે છે. આ મનમોહક દૃશ્યોનો આનંદ માણવા માટે સમગ્ર વિસ્તારમાંથી મોટી સંખ્યામાં પ્રવાસીઓ ઇડરના આ અદભૂત કુદરતી નજારાને નિહાળવા ઉમટી રહ્યા છે. આ ઝરણાં અને લીલોતરીનો સમન્વય સ્થાનિક લોકોમાં પણ ખુશીનો માહોલ સર્જી રહ્યો છે.
જયંતિ પરમાર સાબરકાંઠા
Sorry, there was a YouTube error.
Follow Us
