બુથ સ્તરે સંગઠનને વધુ સશક્ત બનાવવા જુનાગઢ જિલ્લા ભાજપ પ્રમુખ ચંદુભાઈ મકવાણાનો વંથલી તાલુકામાં વેગવંતો પ્રવાસ
બુથ સ્તરે સંગઠનને વધુ સશક્ત બનાવવા જુનાગઢ જિલ્લા ભાજપ પ્રમુખ ચંદુભાઈ મકવાણાનો વંથલી તાલુકામાં વેગવંતો પ્રવાસ
વાત્સલ્યમ્ સમાચાર
ભરત બોરીચા – જૂનાગઢ
જૂનાગઢ : “સમાધાન કાલે વિચાર અબ, બુથ બુથ તક જાના હૈ” ના સંકલ્પને સાકાર કરવા જૂનાગઢ જિલ્લા ભાજપ પ્રમુખ ચંદુભાઈ મકવાણાએ વંથલી તાલુકાના ગ્રામ્ય વિસ્તારોમાં મોરચો સંભાળ્યો છે. સંગઠનને તળિયા સ્તરેથી મજબૂત કરવાના મક્કમ ઈરાદા સાથે ચંદુભાઈ મકવાણાએ બુથ સ્તરે કાર્યકર્તાઓ સાથે વ્યાપક સંપર્ક અને સંવાદ અભિયાન હાથ ધરીને સંગઠન પર પોતાની મજબૂત પકડનો પરિચય આપ્યો છે.
આ પ્રવાસ દરમિયાન તેમણે વિવિધ ગામોના બુથ પ્રમુખો, બુથ સમિતિના કાર્યકર્તાઓ, શક્તિ કેન્દ્રના હોદ્દેદારો તેમજ વિવિધ સેવાકીય પ્રવૃત્તિઓ સાથે જોડાયેલા આગેવાનો સાથે સીધો સંવાદ કર્યો હતો. ચંદુભાઈ મકવાણાએ સંગઠનને અભેદ્ય કિલ્લા જેવું મજબૂત બનાવવા માટે તમામ સ્તરે સ્પષ્ટ અને સચોટ માર્ગદર્શન પૂરું પાડ્યું હતું.
ચંદુભાઈ મકવાણાનું સ્પષ્ટ આહવાન:
“ભારતીય જનતા પાર્ટીની સૌથી મોટી તાકાત તેનું બુથ સ્તરનું સંગઠન છે. કેન્દ્ર અને રાજ્ય સરકારની જનકલ્યાણકારી યોજનાઓ તથા વિકાસલક્ષી સિદ્ધિઓનો લાભ સમાજના અંતિમ વ્યક્તિ સુધી પહોંચવો જ જોઈએ. દરેક કાર્યકર્તા સરકાર અને જનતા વચ્ચે મજબૂત સેતુ બને તે માટે આ વિશેષ બુથ સંપર્ક અભિયાન ચલાવવામાં આવી રહ્યું છે.”
પ્રવાસ દરમિયાન પ્રમુખની અધ્યક્ષતામાં સંગઠનાત્મક મુદ્દાઓ પર વિસ્તૃત ચર્ચા થઈ હતી. આગામી કાર્યક્રમોને સફળ બનાવવા માટે ચંદુભાઈ મકવાણાએ કરેલી અપીલને ઝીલી લઈને કાર્યકર્તાઓએ ઉત્સાહપૂર્વક પોતાના સૂચનો રજૂ કર્યા હતા અને સંગઠનને વધુ ગતિશીલ બનાવવાનો સંકલ્પ કર્યો હતો.
આ સમગ્ર પ્રવાસમાં વંથલી તાલુકા ભાજપ પ્રમુખ કિરીટભાઈ ત્રાંબડીયા, જિલ્લા પંચાયત સદસ્ય મહેશભાઈ, વંથલી શહેર ભાજપ પ્રમુખ અને આઈટી ઇન્ચાર્જ દિવ્યેશભાઈ જેઠવા, જિલ્લા આઈટી ઇન્ચાર્જ મેહુલભાઈ જાની, તાલુકા પંચાયત સદસ્ય અતુલભાઈ કોટડીયા, વિવિધ ગામોના સરપંચો તેમજ મોટી સંખ્યામાં ભાજપના કાર્યકર્તાઓ જોડાયા હતા. પ્રમુખની આગેવાની હેઠળના આ પ્રવાસે સમગ્ર વંથલી પંથકમાં ભાજપના પક્ષમાં મજબૂત માહોલ ઊભો કર્યો છે.
જૂનાગઢ જિલ્લામાં બુથ સ્તરે સંગઠનને વધુ મજબૂત, સક્રિય અને લોકકેન્દ્રિત બનાવવા માટે જિલ્લા ભાજપ પ્રમુખ ચંદુભાઈ મકવાણાનો આ વેગવંતો પ્રવાસ કાર્યકર્તાઓમાં નવા ઉત્સાહ અને અભૂતપૂર્વ ઊર્જાનો સંચાર કરનાર સાબિત થયો છે.
