તા.૨૨/૮/૨૦૨૫
વાત્સલ્યમ્ સમાચાર
Rajkot: મોટર સાયકલ પ્રકારના વાહનો માટે GJ 03 PH સિરીઝના ગોલ્ડન,સિલ્વર નંબરો માટે રી-ઓક્શન યોજાશે. રી-ઓક્શન તા.૩૦/૦૮/૨૦૨૫થી શરૂ કરવામાં આવનાર છે. આ પ્રકારના ગોલ્ડન કે સિલ્વર નંબરો મેળવવા ઇચ્છતા વાહન માલિકો http://parivahan.gov.in/fancy પર ઓનલાઇન રજિસ્ટ્રેશન કરી રી-ઓકશનમા ભાગ લઈ શકશે.
ગોલ્ડન, સિલ્વર નંબરો મેળવવા માટે તા.૩૦/૦૮/૨૦૨૫ સાંજે ૪:૦૦ કલાકથી તા.૦૨/૦૯/૨૦૨૫ સાંજે ૦૪ કલાક સુધીમા ઓનલાઇન એપ્લિકેશન કરાવાની રહેશે. તા.૦૨/૦૯/૨૦૨૫ સાંજના ૦૪.૧ કલાકથી તા. ૦૪/૦૯/૨૦૨૫ના સાંજના ૦૪:૦૦ કલાક સુધી ઓનલાઇન બિડીંગ પ્રક્રિયા પૂર્ણ થયા બાદ તા. ૦૪/૦૯/૨૦૨૫ના રોજ સાંજે ૦૪:૧૫ ના રોજ પરિણામ ઓનલાઇન જાહેર થશે.
અરજદારોએ નીચે દર્શાવેલ પ્રક્રિયા તેમજ સૂચના મુજબ કામગીરી કરવાની રહેશે. અરજદારે parivahan.gov.in વેબસાઇટ પર જવુ.
વેબસાઇટમાં દર્શાવેલા ઓનલાઇન સર્વિસ પર ક્લિક કરવું.
ત્યારબાદ fancy number booking પર ક્લિક કરવું.
જેમાં પબ્લિક યુઝર પસંદ કરી આઈ.ડી. બનાવવું.
આઈ.ડી.બનાવ્યા બાદ સી.એન.એ ફોર્મ ઓનલાઈન ભરવું.
પસંદગીનો નંબર સિલેક્ટ કરી દર્શાવેલી ઓછાંમાં ઓછી ફી ભરવી.
ઓનલાઇન ફી ભર્યા બાદ બિડિંગ એટલે કે હરાજીમાં ભાગ લેવો.
હરાજીમાં નંબર મેળવ્યા બાદ “૫” દિવસમાં હરાજીની બાકીની રકમ ભરવી.
હરાજીની રકમ ભર્યા બાદ આર.ટી.ઓ કચેરીએથી એપ્રૂઅલ લઈ નંબર મેળવવો. વાહન ખરીદીના સાત દિવસમાં અરજદારે સી.એન.એ ફોર્મ ભરવાનું રહેશે.
તેમ પ્રાદેશિક વાહન વ્યવહાર અધિકારીની કચેરી, રાજકોટની યાદીમાં જણાવાયું છે.
