AHAVADANGGUJARAT

વિનયન અને વાણિજ્ય કોલેજ વઘઈ દ્વારા “હર ઘર તિરંગા, હર ઘર સ્વચ્છતા” અંતર્ગત જાગૃતિ રેલી યોજાઈ..

વાત્સલ્યમ સમાચાર
મદન વૈષ્ણવ

ડાંગ જિલ્લાની સરકારી વિનયન અને વાણિજ્ય કોલેજ, વઘઈ ખાતે “હર ઘર તિરંગા, હર ઘર સ્વચ્છતા – સ્વતંત્રતા કા ઉત્સાહ, સ્વચ્છતા કે સંગ ૨૦૨૫” અભિયાન અંતર્ગત ભવ્ય જાગૃતિ રેલીનું આયોજન કરવામાં આવ્યુ હતુ.આ રેલીનું આયોજન કોલેજના IQAC અને સપ્તધારા અંતર્ગત, આચાર્ય ડૉ. જગદીશભાઈ ભોયાના માર્ગદર્શન હેઠળ થયુ હતુ.આ કાર્યક્રમમાં આચાર્યએ વિદ્યાર્થીઓ અને ગ્રામજનોમાં દેશભક્તિ, રાષ્ટ્રીય એકતા તથા ગૌરવની ભાવના જગાવી સ્વચ્છતાના મહત્વ અંગે પ્રેરણાત્મક સંબોધન કર્યું હતુ.રેલી કોલેજ પરિસરથી પ્રારંભ થઈ વઘઈના રાજેન્દ્રપુર વિસ્તારમાંથી પસાર થઈ હતી.વિદ્યાર્થીઓએ હાથમાં તિરંગા લઈને દેશભક્તિપૂર્ણ સૂત્રોચ્ચાર કરતા દેશના નાગરિકોને રાષ્ટ્રભાવનાથી પ્રેરિત કર્યા હતા અંતે રાષ્ટ્રગાન સાથે કાર્યક્રમ પૂર્ણ થયો હતો.આ ત્રિરંગા રેલીમાં કોલેજના પ્રથમ અને દ્વિતીય વર્ષના અનેક વિદ્યાર્થીઓ ઉત્સાહપૂર્વક જોડાયા હતા..

Back to top button
error: Content is protected !!