MORBI:મોરબી સિટી મોલમાં આઈપીએલ ક્રિકેટ પર સટ્ટો રમાડતું જુગારધામ ઝડપાયું, 4 શખ્સોની ધરપકડ
MORBI:મોરબી સિટી મોલમાં આઈપીએલ ક્રિકેટ પર સટ્ટો રમાડતું જુગારધામ ઝડપાયું, 4 શખ્સોની ધરપકડ
મોરબી: શહેરના ભક્તિનગર સર્કલ પાસે આવેલા સિટી મોલમાં આઈપીએલ (IPL) ક્રિકેટ મેચ પર ઓનલાઈન સટ્ટો રમાડતી એક ટોળકીને એ-ડિવિઝન પોલીસે બાતમીના આધારે ઝડપી પાડી છે. પોલીસે આ દરોડા દરમિયાન 4 આરોપીઓની ધરપકડ કરી છે, જ્યારે આઈડી (ID) પૂરા પાડનાર અન્ય 4 શખ્સોને પકડી પાડવા ચક્રો ગતિમાન કર્યા છે.
મળતી વિગતો મુજબ, મોરબી સિટી એ-ડિવિઝન પોલીસને ખાનગી રાહે બાતમી મળી હતી કે સિટી મોલના ત્રીજા માળે આવેલી દુકાન નંબર ૩૦૧ (શીવ ઇમ્પેક્ષ નામની ઓફિસ) માં ક્રિકેટ સટ્ટો રમાઈ રહ્યો છે. આ બાતમીના આધારે પોલીસે દરોડો પાડતા ત્યાં રાજસ્થાન રોયલ્સ અને કોલકાતા નાઈટ રાઈડર્સ વચ્ચેની મેચ પર લાઈવ હાર-જીતનો જુગાર રમાતો હોવાનું સામે આવ્યું હતું.
પોલીસે સ્થળ પરથી નીચે મુજબનો મુદ્દામાલ જપ્ત કર્યો છે:રોકડ રકમ: ₹15,600,વાહનો: 4 નંગ (કિંમત ₹4,50,000),કુલ મુદ્દામાલ: ₹5,26,600
ઝડપાયેલ આરોપી ઓ ,અનિલભાઈ માવજીભાઈ ડાભી (રહે. રવાપર રોડ, મોરબી),બ્રિજેશભાઈ મનસુખભાઈ માલવણીયા (રહે. કન્યા છાત્રાલય રોડ, મોરબી),પરેશભાઈ નાગજીભાઈ પઢારીયા (રહે. રવાપર, મોરબી),હર્ષદભાઈ લાલજીભાઈ પાસીયા (રહે. સો. ઓરડી, સામાકાંઠે, મોરબી)
વધુ 4 શખ્સોની શોધખોળ આ જુગારધામમાં સટ્ટા માટે આઈડી પ્રોવાઈડ કરનાર અન્ય ચાર શખ્સો હાજર મળી આવ્યા ન હતા, જેમાં હસુભાઈ ઠાકર (મોરબી), બ્રિજેશભાઈ પડસુબીયા (વાવડી), રજાકભાઈ (રાજકોટ) અને જયદીપભાઈ પટેલ (મોરબી) નો સમાવેશ થાય છે. પોલીસે તમામ આરોપીઓ વિરુદ્ધ જુગારધારા હેઠળ ગુનો નોંધી આગળની તપાસ હાથ ધરી છે.
