તા.૨૧.૦૮.૨૦૨૫
વાત્સલ્યમ્ સમાચાર
અજય સાંસી દાહોદ
Dahod :દાહોદ શહેરમાં ૨૪ કલાક માં એસટી બસનો બીજો અકસ્માત, ગોધરા રોડ ઉપર બસ ચાલકે કારને ટક્કર મારી ફરાર, કારમાં સવાર લોકોનો આબાદ બચાવ
દાહોદ શહેરમાં બેફામ બનેલા એસટી બસના ચાલકો શહેરીજનોના અને વાહન ચાલકોના જીવને જોખમ ઉભું કરી પુરપાટ રીતે એસટી બસો દોડાવી લોકોના જીવ તાળવે ચોટાડતા હોય તેમ બસો હંકારી રહ્યા છે મોડી રાત્રે મધ્યપ્રદેશ ના એસટી બસના ચાલકે અકસ્માત સર્જયો હતો અને હવે બપોરના સમયે એસટી બસે ફરીથી અકસ્માત સર્જયો છે દાહોદના ગોધરા રોડ પર બસ દ્વારા એક કારને ટક્કર મારવાના કારણે અકસ્માત થયો હોવાનો અહેવાલ છે. આ અકસ્માત બપોરના સમયે બન્યો હતો જ્યારે ગોધરા તરફથી દાહોદ બસ ડેપો તરફ આવી રહેલી એક બસ દ્વારા પાછળથી કારને ટક્કર મારવામાં આવી.આ અકસ્માતને કારણે કારને મોટું નુકસાન થયું છે, પરંતુ રાહતની વાત તો એ છે કે કારમાં સવાર લોકોને કોઈ ઇજા થઈ નથી. અકસ્માત બાદ બસનો ચાલક બસ લઈને ઘટનાસ્થળેથી ફરાર થઈ ગયો હતો.આ અહેવાલમાં એવું જણાવવામાં આવ્યું છે કે દાહોદ શહેરમાં આ પ્રકારના અકસ્માતો વારંવાર બની રહ્યા છે, જેના કારણે બસ ચાલકોની બેદરકારી સામે સવાલો ઊભા થયા છે. આ ઘટનાને પગલે સ્થાનિક લોકોમાં રોષ જોવા મળ્યો છે
