MORBI મોરબીના એડવોકેટ દર્શનભાઈ દવેએ પ્રા.શાળાના બાળકોને શૈક્ષણિક કીટનું વિતરણ જન્મદિવસ ઉજવણી કરી
MORBI મોરબીના એડવોકેટ દર્શનભાઈ દવેએ પ્રા.શાળાના બાળકોને શૈક્ષણિક કીટનું વિતરણ જન્મદિવસ ઉજવણી કરી
મોરબી ન્યુમિસમેટિક ક્લબના સ્થાપક વાઇસ ચેરમેન દ્વારા બાળકોને શિક્ષણના સાધનો ભેટ અપાયા; સેવાકાર્યને બિરદાવતા બંને શાળાઓના પ્રધાનાચાર્યો
મોરબી ન્યુમિસમેટિક ક્લબના સ્થાપક વાઇસ ચેરમેન અને ગુજરાત હાઈકોર્ટના જાણીતા એડવોકેટ શ્રી દર્શનભાઈ ડી. દવેના જન્મદિવસની કોઈ આડંબર વગર સેવાકીય કાર્યો દ્વારા પ્રેરણાદાયી ઉજવણી કરવામાં આવી હતી. આ અવસરે માળિયા (મી.) તાલુકાની બે શાળાઓના વિદ્યાર્થીઓને શૈક્ષણિક કીટ અર્પણ કરી તેમના અભ્યાસમાં પ્રોત્સાહન પૂરું પાડવામાં આવ્યું હતું.
દર્શનભાઈ દવેના જન્મદિવસ નિમિત્તે માળિયા (મી.) તાલુકાની નીચે મુજબની શાળાઓમાં બાળકોને શિક્ષણલક્ષી વસ્તુઓ આપવામાં આવી હતી શ્રી કૃષ્ણનગર પ્રાથમિક શાળા શ્રીમતી પી.એચ. કોટિચા પ્રાથમિક શાળા, મોટા દહીંસરા આ બંને શાળાઓના બાળકોને અભ્યાસમાં ઉપયોગી થાય તેવી શૈક્ષણિક કીટનું વિતરણ કરી શિક્ષણ પ્રત્યે જાગૃતિ ફેલાવવાનો પ્રયાસ કરવામાં આવ્યો હતો.શુભેચ્છાઓનો વરસાદ
આ વિતરણ કાર્યક્રમ પ્રસંગે શ્રી કૃષ્ણનગર શાળાના પ્રધાનાચાર્ય શ્રીમતી નીતાબહેન ડાંગર તથા મોટા દહીંસરા શાળાના પ્રધાનાચાર્ય શ્રી જે.બી. રાજ્યગુરુ સહિતના શૈક્ષણિક સ્ટાફે હાજરી આપી હતી. બંને શાળાઓના પ્રધાનાચાર્યોએ દર્શનભાઈની આ ઉમદા પ્રવૃત્તિને બિરદાવી હતી અને તેમને જન્મદિવસની હાર્દિક શુભેચ્છાઓ પાઠવી હતી.સેવાકીય પ્રવૃત્તિઓથી પ્રેરાતું અન્યનું મન ઉલ્લેખનીય છે કે, એડવોકેટ દર્શનભાઈ દવે વ્યવસાયની સાથે સામાજિક અને શૈક્ષણિક પ્રવૃત્તિઓમાં પણ સતત સક્રિય રહે છે. મોરબી ન્યુમિસમેટિક ક્લબ (જૂના સિક્કા અને ચલણના સંગ્રહકોની ક્લબ) દ્વારા પણ તેઓ અવારનવાર લોકજાગૃતિના કાર્યો કરતા રહે છે. તેમના જન્મદિવસની આ રીતે બાળકોની વચ્ચે રહીને કરવામાં આવેલી ઉજવણીની સર્વત્ર પ્રશંસા થઈ રહી છે.
