MORBI:મોરબીના ભડીયાદ કાંટા પાસે સરકારી જમીન નું દબાણ હટાવ્યુ
હજું મોટ ભાગના ગામડાઓમાં અનેક સરકારી ખરાબાની જમીન પર છે દબાણ ખડકી દીધા છે
મોરબી જિલ્લામાં સરકારી પડતર જમીન દેખી નથી કે તેનાં ઉપર દબાણ થયું નથી એટલે મોટા ભાગની સરકારી જમીનમાં પેશકદમી થઈ ગઈ હોય તેવું જોવા મળે છે પણ તંત્ર દ્વારા હવે સરકારી જમીન ઉપર થયેલા દબાણો દુર કરવા માટે તૈયારી કરી લીધી હોય તેવું લાગી રહ્યું છે કેમકે મોરબી શહેર ના સામાકાંઠા વિસ્તાર ભડીયાદ કાંટા પાસે સરકારી જમીન માં થયેલ દબાણ હટાવવા ડિમોલેશનની કામગીરી હાથ ધરવામાં આવી છે. આ બાબતે વાત કરીએ તો મોરબી તાલુકામાં દબાણ દૂર કરવા માટે તાલુકા મામલતદાર દ્વારા દબાણ હટાવવા કામગીરી હાથ ધરી છે જેમાં ભડીયાદ કાંટા પાસે સરકારી જમીન માં થયેલ ગેરકાયદેસર દબાણોને દૂર કરવા માટે જેસીબી સહિત વાહનોને સાથે રાખીને દબાણ હટાવ્યુ છે. ત્યારે ગ્રામ્ય મામલતદાર નિખિલ મહેતાની આગેવાનીમાં કાચા પાકા મકાનોનું ડિમોલેશનની કામગીરી હાથ કરવામાં આવી હતી. કોઈ અનિચ્છનીય બનાવ ન બને તે માટે પોલીસ બંદોબસ્ત ગોઠવી ને પણ સાથે રાખવામાં આવ્યું હતું. અહીં એ વાત જણાવી દઈએ કે કે હજુ ગામડાની અનેક જગ્યાઓમા ઘણાં સરકારી ખરાબાની જમીનમાં દુકાન, તબેલા, પાર્કિંગ બનાવીને પેશકદમી થઈ ગઈ છે તે દબાણ દૂર કરવા આવશે કે નહીં તે આવનારો સમય જ બતાવશે.
રીપોર્ટ:- શ્રીકાંત પટેલ-મોરબી.
મો.નં.૯૯૭૮૩૯૮૮૮૫
