GUJARAT:ગુજરાતમાં મોટો વહીવટી ફેરફાર: GAS કેડરના 68 અધિકારીઓની બદલી-બઢતી, મોરબીના 3 ઉચ્ચ અધિકારીઓ બદલાયા
GUJARAT:ગુજરાતમાં મોટો વહીવટી ફેરફાર: GAS કેડરના 68 અધિકારીઓની બદલી-બઢતી, મોરબીના 3 ઉચ્ચ અધિકારીઓ બદલાયા
ગુજરાત સરકારના સામાન્ય વહીવટ વિભાગ (GAD) દ્વારા રાજ્યના વહીવટી તંત્રમાં મોટો ફેરફાર કરવામાં આવ્યો છે. સરકારે ગુજરાત વહીવટી સેવા (GAS) કેડરના 68 જેટલા ઉચ્ચ અધિકારીઓની બદલી અને બઢતી (પ્રમોશન) ના સામૂહિક આદેશો જાહેર કર્યા છે. આ વ્યાપક ફેરબદલમાં મોરબી જિલ્લામાં ફરજ બજાવતા ત્રણ મહત્વના ઉચ્ચ અધિકારીઓને પણ સિનિયર સ્કેલમાં પ્રમોશન આપી નવી જવાબદારીઓ સોંપવામાં આવી છે.
વાંકાનેર ખાતે પ્રાંત અધિકારી તરીકે સફળતાપૂર્વક ફરજ બજાવતા વી.ડી. સાકરીયાને સિનિયર સ્કેલમાં પ્રમોશન આપવામાં આવ્યું છે. બઢતી સાથે તેમની બદલી હવે સુરેન્દ્રનગર ખાતે નિવાસી અધિક કલેક્ટર (RAC) ના મહત્વના પદ પર કરવામાં આવી છે.
મોરબી કલેક્ટર કચેરીમાં નાયબ કલેક્ટર-1 તરીકે કાર્યરત યુ.એમ. પટેલને પણ સિનિયર સ્કેલમાં પ્રમોશનનો લાભ મળ્યો છે. પ્રમોશન બાદ તેમની નવી નિમણૂક વડોદરા ખાતે અન્ન અને નાગરિક પુરવઠા વિભાગના સંયુક્ત નિયામક તરીકે કરવામાં આવી છે.
મોરબી મહાનગરપાલિકામાં ડેપ્યુટી મ્યુનિસિપલ કમિશનર તરીકે સેવા આપતા કે.આર. વાળાને પ્રમોશન આપીને પાટનગર ગાંધીનગર ખાતે બદલી કરવામાં આવી છે. તેઓ હવે ગાંધીનગર ખાતે ગુજરાત વોટર ઇન્ફ્રાસ્ટ્રક્ચર લિમિટેડમાં ચીફ એડમિનિસ્ટ્રેટિવ ઓફિસર તરીકેની નવી જવાબદારી સંભાળશે.
વહીવટી ગતિશીલતા વધશે: રાજ્ય સરકાર દ્વારા એકસાથે 68 અધિકારીઓની બદલી અને બઢતીના આદેશથી સરકારી કામગીરીમાં નવી ઉર્જા અને ગતિશીલતા આવશે. બદલી પામેલા તમામ અધિકારીઓને ટૂંક સમયમાં જ પોતાનો નવો ચાર્જ સંભાળી લેવા સુચના આપવામાં આવી છે.
