HALVAD:હળવદ તાલુકાના ચરાડવા ગામે પિતા પુત્ર વચ્ચે ઝઘડો થયા બાદ પિતાએ પુત્રનું ગળું દબાવી કરી હત્યા
HALVAD:હળવદ તાલુકાના ચરાડવા ગામે પિતા પુત્ર વચ્ચે ઝઘડો થયા બાદ પિતાએ પુત્રનું ગળું દબાવી કરી હત્યા
હળવદ તાલુકાના ચરાડવા ગામે પુત્ર કાંઈ કામ ધંધો કરતો ન હોય જેથી તેના પીતાએ તેને અવારનવાર કામ ધંધો કરવાનું કહેતા હોય ત્યારે પિતા પુત્ર વચ્ચે ઝઘડા થતા હોય જેથી પિતાએ જ પોતાના પુત્રને ગળે ટૂંપો આપી હત્યા કરી હોવાની હળવદ પોલીસ સ્ટેશનમાં ફરીયાદ નોંધાઈ છે.
મળતી માહિતી મુજબ મોરબીના ભડીયાદ રોડ પર સાયન્સ કોલેજ પાછળ રહેતા દીનેશભાઈ મગનભાઈ સોલંકી (ઉ.વ.૪૨) એ આરોપી દેવજીભાઈ કરશનભાઈ સોલંકી રહે. નવા ચરાડવા તા. હળવદવાળા વિરુદ્ધ હળવદ પોલીસ સ્ટેશનમાં ફરીયાદ નોંધાવતા જણાવ્યું હતું કે મનોજ કાંઈ કામ ધંધો કરતો ન હોય જેથી મનોજ સાથે આરોપી તેના પીતાને અવારનવાર ઝઘડા થતાં હોય જેથી આરોપીએ મનોજ સાથે ઝઘડો કરી મનોજને દોરીથી ગળે ટૂંપો આપી મનોજની હત્યા કરી હતી. જેથી આ બનાવ અંગે હળવદ પોલીસ સ્ટેશનમાં ફરીયાદ નોંધાવતા પોલીસે ફરીયાદના આધારે ગુન્હો નોંધી આગળની તપાસ એચ. એન. ગઢવી ચલાવી રહેલ છે.
