MORBI:મોરબીના જેતપર ખાતે ઉપવાસ છાવણી,ખેડૂતોના પારણા કાર્યક્રમમાં ભાગ લેવા ભાવભર્યું આમંત્રણ
MORBI:મોરબીના જેતપર ખાતે ઉપવાસ છાવણી,ખેડૂતોના પારણા કાર્યક્રમમાં ભાગ લેવા ભાવભર્યું આમંત્રણ
મોરબીના જેતપર ગામે ખેડૂતોના હિત, જમીન અને તેઓના અધિકારોની લડાઈને વધુ મજબૂત બનાવવા માટે ચાલી રહેલા ઉપવાસ આંદોલન હવે એક મહત્વપૂર્ણ વળાંક પર પહોંચ્યું છે. આ આંદોલનને સફળ બનાવવા માટે તમામ ખેડૂત ભાઈઓ અને બહેનો દ્વારા મળેલા અભૂતપૂર્વ સહકાર બદલ આયોજકો દ્વારા હૃદયપૂર્વક આભાર વ્યક્ત કરવામાં આવ્યો છે.
આ કડીમાં, ઉપવાસના પારણાના એક વિશેષ કાર્યક્રમનું આયોજન કરવામાં આવ્યું છે, જેમાં ગુજરાતભરમાંથી ખેડૂતો મોટી સંખ્યામાં ઉમટી પડશે.
તારીખ: 06-07-2026 () સમય: રાત્રે 9:30 કલાકે સ્થળ: ગુજરાત ઉપવાસ છાવણી, જેતપર
‘પાર્ટ-૩’ ની થશે મોટી જાહેરાત: ઘડાશે આગળની વ્યૂહરચના યોજાનારા આ પારણા કાર્યક્રમમાં એક મોટી જાહેરાત થવા જઈ રહી છે. ખેડૂતોના ઉજ્જવળ ભવિષ્ય અને તેઓના પ્રશ્નોના કાયમી નિકાલ માટે ‘પાર્ટ-૩’ ની રૂપરેખા બધાની સમક્ષ રજૂ કરવામાં આવશે.
આયોજકોના જણાવ્યા અનુસાર:”પાર્ટ-૩ અંતર્ગત ગુજરાતભરના ખેડૂતોને એકમંચ પર બોલાવીને આગળની લડત માટેની મજબૂત વ્યૂહરચના ઘડવામાં આવશે. આ કાર્યક્રમ ખેડૂત એકતાનો સંદેશ વધુ બુલંદ બનાવશે.
ખેડૂત સંગઠનો અને અગ્રણીઓ દ્વારા તમામ ખેડૂત ભાઈ-બહેનોને પોતાના પરિવાર, મિત્રો અને ગ્રામજનો સાથે મોટી સંખ્યામાં જેતપર ખાતે ઉપસ્થિત રહેવા ભાવભર્યું આમંત્રણ પાઠવવામાં આવ્યું છે. ખેડૂત એકતા જ આપણી તાકાત છે, અને આ લડાઈને આખરી અંજામ સુધી પહોંચાડવા માટે આપની ઉપસ્થિતિ અનિવાર્ય છે.”ખેડૂત એકતા ઝિંદાબાદ”
