MALIYA (Miyana:માળીયામાં પોલીસનું મેગા કોમ્બિંગ: દેશી તમંચો, એરગન અને હથિયારોના મોટા જથ્થા સાથે ૧૦૦ ડુપ્લીકેટ સોનાના બિસ્કિટ ઝડપાયા
MALIYA (Miyana:માળીયામાં પોલીસનું મેગા કોમ્બિંગ: દેશી તમંચો, એરગન અને હથિયારોના મોટા જથ્થા સાથે ૧૦૦ ડુપ્લીકેટ સોનાના બિસ્કિટ ઝડપાયા
માળીયા શહેરમાં પોલીસ પ્રશાસન દ્વારા કાયદો અને વ્યવસ્થાની સ્થિતિ સુદ્રઢ કરવાના ભાગરૂપે એક ખૂબ જ મોટું અને સઘન કોમ્બિંગ ઓપરેશન હાથ ધરવામાં આવ્યું હતું. આ ઓપરેશન દરમિયાન પોલીસને મોટી સફળતા મળી છે, જેમાં ઘાતક હથિયારો સહિત કરોડોની છેતરપિંડીમાં વપરાતા ડુપ્લીકેટ સોનાના બિસ્કિટનો મોટો જથ્થો પણ ઝડપી પાડવામાં આવ્યો છે.
પોલીસના આ મેગા સર્ચ ઓપરેશન દરમિયાન માળીયા શહેરમાંથી અલગ-અલગ જગ્યાએથી મોટી સંખ્યામાં હથિયારો મળી આવ્યા છે. જેમાં:૧ દેશી તમંચો અને જીવતા કાર્તિસ ,૩ એરગન ,તલવાર, ધારીયા અને છરી જેવા તીક્ષ્ણ અને ઘાતક હથિયારો ,૧૦૦ ડુપ્લીકેટ સોનાના બિસ્કિટ અને ગેરકાયદે વીજ કનેક્શન ઝડપાયા
આ કોમ્બિંગ માત્ર હથિયારો પૂરતું સીમિત ન રહેતા, પોલીસે આશરે ૧૦૦ જેટલા ડુપ્લીકેટ સોનાના બિસ્કિટ પણ ઝડપી લીધા છે. આ જથ્થો કોઈ મોટી છેતરપિંડીના રેકેટનો ભાગ હોવાની આશંકા સેવાઈ રહી છે. આ ઉપરાંત, તપાસ દરમિયાન ૩ ગેરકાયદેસર વીજ કનેક્શન પણ પકડી પાડવામાં આવ્યા છે, જે અંગે પીજીવીસીએલ (PGVCL) દ્વારા કાયદેસરની કાર્યવાહી હાથ ધરવામાં આવી છે.
આ ઓપરેશનની ગંભીરતાનો અંદાજ એ વાત પરથી લગાવી શકાય છે કે તેમાં ઉચ્ચ પોલીસ અધિકારીઓ સહિતનો મોટો કાફલો મેદાને ઉતર્યો હતો. આ કાર્યવાહીમાં:જિલ્લા પોલીસ વડા (SP) ના સીધા માર્ગદર્શન હેઠળ,૩ DySP (નાયબ પોલીસ સુપરિન્ટેન્ડેન્ટ),૧૫ PI (પોલીસ ઇન્સ્પેક્ટર),૩૨ PSI (સબ ઇન્સ્પેક્ટર), અને આશરે ૪૦૦ જેટલા પોલીસ જવાનો જોડાયા હતા.પોલીસની આ આકસ્મિક અને કડક કાર્યવાહીથી સ્થાનિક ગુનેગારો અને અસામાજિક તત્વોમાં ભારે ફફડાટ વ્યાપી ગયો છે. હાલમાં પોલીસે તમામ મુદ્દામાલ જપ્ત કરી ગુનો નોંધી આગળની ઊંડાણપૂર્વકની તપાસ શરૂ કરી છે.
