MORBI:મોરબી કારખાનામાંથી થયેલ કોપર વાયરની ભેદી ચોરીનો ભેદ ઉકેલાયો, રૂ. ૧.૯૭ લાખના મુદ્દામાલ સાથે ૩ શખ્સો ઝડપાયા
MORBI:મોરબી કારખાનામાંથી થયેલ કોપર વાયરની ભેદી ચોરીનો ભેદ ઉકેલાયો, રૂ. ૧.૯૭ લાખના મુદ્દામાલ સાથે ૩ શખ્સો ઝડપાયા
મોરબી તાલુકા પોલીસ સ્ટેશનની સર્વેલન્સ ટીમે એક પ્રશંસનીય કામગીરી કરીને કારખાનામાંથી થયેલી કોપર વાયરની વણશોધાયેલી (અનડીટેક્ટ) ચોરીનો ગણતરીના દિવસોમાં ભેદ ઉકેલી નાખ્યો છે. પોલીસે ચોરીના મુદ્દામાલ અને ગુન્હામાં વપરાયેલા વાહન સાથે ૩ સાત classy આરોપીઓની ધરપકડ કરી છે, જ્યારે અન્ય ૨ આરોપીઓની શોધખોળ આદરી છે.
પોલીસ ઇન્સ્પેક્ટરના માર્ગદર્શન હેઠળ ટીમો એક્શનમાં
મોરબી તાલુકા પોલીસ મથકમાં ફેક્ટરીમાંથી કોપર વાયર ચોરી થવા અંગેનો ગુન્હો રજિસ્ટર થયો હતો. આ વણશોધાયેલ ગુન્હાને ઉકેલવા અને આરોપીઓને ઝડપી પાડવા માટે મોરબી તાલુકા પોલીસ ઇન્સપેક્ટરના સીધા માર્ગદર્શન હેઠળ સર્વેલન્સ સ્ટાફની અલગ-અલગ ટીમો બનાવવામાં આવી હતી.
તપાસ દરમિયાન સર્વેલન્સ ટીમને હ્યુમન સોર્સ (ખાનગી બાતમીદારો) અને ટેકનિકલ માધ્યમો દ્વારા ચોક્કસ બાતમી મળી હતી. જેના આધારે પોલીસે મોરબી-જેતપુર રોડ પર સાપર ગામના પાટીયા પાસે, ગાળા તરફ જવાના રસ્તે આવેલા એક ભંગારના ડેલા પર દરોડો પાડ્યો હતો. આ સ્થળેથી ચોરીની ઘટનાને અંજામ આપનારા ઇસમો મુદ્દામાલ સાથે આબાદ ઝડપાઈ ગયા હતા.
કુલ રૂ. ૧,૯૭,૨૦૦/- નો મુદ્દામાલ જપ્ત પોલીસે ઘટનાસ્થળેથી નીચે મુજબનો મુદ્દામાલ જપ્ત કર્યો છે:કોપર વાયર: ૮૧ કિલોગ્રામ (કિંમત રૂ. ૯૭,૨૦૦/-)બોલેરો વાહન: જીજે ૩૬ ટી ૭૦૧૩ (કિંમત રૂ. ૧,૦૦,૦૦૦/-) કુલ રિકવરી: રૂપિયા ૧,૯૭,૨૦૦/-
ઝડપાયેલા આરોપીઓ ૧. વિકાસભાઈ અનિલભાઈ લોરીયા (રહે. હાલ માળીયા ફાટક પાસે, કાંતીનગર, મોરબી) ૨. સાગરભાઈ મેરામભાઈ સોલંકી (રહે. મેધપર, તા. માળીયા મીયાણા) ૩. ઈશ્વરભાઈ ગોપીલાલભાઈ ગુર્જર (રહે. સાપર ગામ, તા.જી. મોરબી, મૂળ રહે. ચાંદરસ, તા. માંડલ, જી. ભીલવાડ, રાજસ્થાન)
વધુ બે આરોપીઓના નામ ખુલ્યા પોલીસની પ્રાથમિક પૂછપરછમાં આ ચોરીના નેટવર્કમાં અન્ય બે ઇસમોના નામ પણ સામે આવ્યા છે:રવિભાઈ લાખાભાઇ સોલંકી (રહે. મેધપર, તા. માળીયા, હાલ મોરબી) સચિનભાઈ લાખાભાઈ સોલંકી (રહે. મેધપર, તા. માળીયા મીયાણા, હાલ રહે. મોરબી) હાલમાં પોલીસે પકડાયેલા ત્રણેય આરોપીઓ વિરુદ્ધ ધોરણસરની કાર્યવાહી કરી જેલના સળિયા પાછળ ધકેલી દીધા છે, અને ફરાર થયેલા અન્ય બંને આરોપીઓને ઝડપી લેવા માટે ચક્રો ગતિમાન કર્યા છે. ગુન્હાનો ભેદ ઉકેલાતા સ્થાનીય વેપારીઓ અને કારખાનાના માલિકોએ મોરબી તાલુકા પોલીસની કામગીરીને બિરદાવી છે.
