દેડિયાપાડાના નવાગામે જિલ્લા કલેકટર શ્વેતા તેવતિયા એ ભૂલકાઓને શાળા પ્રવેશ કરાવ્યો
રાજપીપલા : જુનેદ ખત્રી
જિલ્લા કલેકટર શ્વેતા તેવતિયાએ ૨૧મો ‘શાળા પ્રવેશોત્સવ-કન્યા કેળવણી મહોત્સવ ૨૦૨૪ અંતર્ગત: દેડિયાપાડા તાલુકાનાં નવાગામે ‘શાળા પ્રવેશોત્સવ ઉજવણી..ઉલ્લાસમય શિક્ષણની થીમ સાથે ભુલકાઓને બાલવાટિકા, આંગણવાડી, પ્રાથમિક શાળામાં પ્રવેશ અપાવ્યો હતો.
શાળા પ્રવેશોત્સવ-કન્યા કેળવણી મહોત્સવમાં સહભાગી થતા જણાવ્યું હતું કે, સમગ્ર ગુજરાતની સાથે નર્મદા જિલ્લામાં પણ ત્રિ- દિવસીય પ્રવેશોત્સવ અને કન્યા કેળવણી મહોત્સવનો પ્રારંભ થયો છે. જેના ભાગરૂપે આજે બીજા દિવસે … ભૂલકાઓ કુમકુમ-તિલક કરીને શાળામાં પ્રવેશ આપાવામાં આવ્યો છે. જે એમને પ્રોત્સાહિત કરવા માટે અનેરો અવસર છે.
આ વેળાએ કલેકટરના હસ્તે આંગણવાડી, બાલવાટિકાનાં ભુલકાઓને શાળામાં પ્રવેશ અપાવીને શૈક્ષણિક કીટ, ગણવેશ દફતર ભેટ આપી હતી. કાર્યક્રમના અંતે ઉપસ્થિત મહેમાનો દ્વારા શાળાના કેમ્પસમાં વૃક્ષારોપણ કરવામાં આવ્યું હતું.
