વાત્સલ્યમ સમાચાર
મદન વૈષ્ણવ
ડાંગ જિલ્લાનાં સાપુતારાથી શામગહાનને જોડતા રાષ્ટ્રીય ધોરીમાર્ગનાં <span;>ફોરેસ્ટ રેસ્ટ હાઉસ નજીકનાં વળાંકમાં આઈસર ટેમ્પો સંરક્ષણ દીવાલ સાથે ભટકાયો.જ્યારે બીજા બનાવમાં પિકઅપ ગાડી માર્ગની સાઈડમાં ઉતરી જતા અકસ્માત સર્જાયો..
પ્રાપ્ત વિગતો અનુસાર આજરોજ મહારાષ્ટ્રનાં સંગમનેરથી ટામેટાનો જથ્થો ભરી ભાવનગર તરફ જઈ રહેલ આઈસર ટેમ્પો.ન.જી.જે.04.ડબ્લ્યુ.7685 જે સાપુતારાથી શામગહાનને જોડતા રાષ્ટ્રીય ધોરીમાર્ગનાં માલેગામ ઘાટમાર્ગનાં ફોરેસ્ટ રેસ્ટ હાઉસ પાસેનાં વળાંકમાં અચાનક બ્રેક ફેલ થઈ જતા બેકાબુ બનેલ આઈસર ટેમ્પો માર્ગની સાઈડમાં આવેલ સંરક્ષણ દીવાલ સાથે ભટકાઈને ખીણમાં ખાબકતા બચ્યો હતો.આ અકસ્માતનાં બનાવમાં આઈસર ટેમ્પોને જંગી નુકસાન થયુ હતુ. જ્યારે બીજા બનાવમાં મહારાષ્ટ્રનાં વણી તરફથી સુરત તરફ જઈ રહેલ પિકઅપ ગાડી.ન.એમ.એચ.41.એ.યુ.5587 જે માલેગામનાં સંતોકબા ધોળકિયા વિધામંદિર નજીક સ્લીપ થઈ માર્ગની સાઈડમાં ઉતરી જતા ઘટના સ્થળે અકસ્માત સર્જાયો હતો.આ બન્ને અકસ્માતનાં બનાવમાં કોઈ જાનહાનિ ન થતા મોટી દુર્ઘટના ટળી હતી..
