🚨 ગુજરાત પ્રાથમિક શિક્ષક ભરતીનું “સાચું ગણિત”: સ્વાર્થી ક્લાસીસવાળાઓની માયાજાળ અને ૧૧,૦૦૦ ઉમેદવારોના ભવિષ્ય સાથે રમાતો ખેલ!

વાત્સલ્યમ્ સમાચાર,

પૂજા ઠક્કર – મુંદરા કચ્છ.

📰 કાનૂની અને આંકડાકીય વિશ્લેષણ ધરાવતી કોર્ટ કેસ માટે વિશેષ પ્રેસનોટ:

🚨 ગુજરાત પ્રાથમિક શિક્ષક ભરતીનું “સાચું ગણિત”: સ્વાર્થી ક્લાસીસવાળાઓની માયાજાળ અને ૧૧,૦૦૦ ઉમેદવારોના ભવિષ્ય સાથે રમાતો ખેલ!

મુંદરા (કચ્છ),તા.૨૩:

રાજ્યમાં વિદ્યાસહાયકની ૧૧,૦૦૦ જગ્યાઓની ભરતી પ્રક્રિયા જ્યારે આખરી તબક્કામાં છે ત્યારે ટ્યુશન ક્લાસીસના સંચાલકો, યુટ્યુબરો અને માત્ર ૭૫૦ જેટલા નાપાસ ઉમેદવારો દ્વારા સમગ્ર ભરતીને કાનૂની ગૂંચવણમાં નાખવાનો નાપાક પ્રયાસ થઈ રહ્યો છે. “અમારી ચેનલ જ સાચી વિગત આપે છે” બાકી તમામ અફવા ફેલાવે છે એવી ફાંકા ફોજદારી કરનારા જ્ઞાનના વેપારીઓ ગુજરાતના લાખો ભાવિ શિક્ષકો અને ન્યાયતંત્રની આંખમાં ધૂળ નાખી રહ્યા છે.

તમામ સોશિયલ મીડિયાના ભ્રામક દાવાઓનો પર્દાફાશ કરતું ભરતી પ્રક્રિયાનું આંકડાકીય સત્ય અને સાચું ગણિત જાહેર હિતમાં પ્રગટ કરવામાં આવેલ છે.

📊 ૧. ભરતીનું સાચું ગણિત: “ટેટ પાસ એટલે 100% નોકરી નહીં!” – યુટ્યુબરોનો મોટો દાવો મૃગજળ સાબિત થયો

યુટ્યુબરો અને ટ્યુશન ક્લાસીસવાળા ઉમેદવારોને એવું અફીણ પીવડાવી રહ્યા છે કે “અરજી કરનાર તમામ ટેટ પાસને નોકરી મળી જશે”. પરંતુ બોર્ડના સત્તાવાર ડેટા મુજબ વાસ્તવિકતા તદ્દન જુદી જ છે:

 * ૯૦ થી વધુ ગુણ મેળવનાર કુલ ૪,૯૪૯ ઉમેદવારો.

 * અનામત (EWS + OBC/SC/ST) નું ગણિત: ૪,૯૪૯ માંથી માત્ર ૧,૫૦૦ જેટલા જ શુદ્ધ બિન-અનામત/EWS ઉમેદવારો છે. બાકીના ૩,૪૪૯ અનામત વર્ગના ઉમેદવારો પોતાના ઊંચા ગુણના લીધે જનરલ મેરિટમાં પસંદગી પામશે.

 * ૫,૦૪૯ બિન-અનામત જગ્યાઓનું વાસ્તવિક ચિત્ર: જનરલ કેટેગરીમાં ૯૦ થી વધુ ગુણ લાવનાર ઉમેદવારો પૂરા મળતા નથી. પરિણામે ૯૦ થી વધુ ગુણ મેળવનાર સહિત અનામત કેટેગરીના થઇને કુલ ૭,૫૦૦ ઉમેદવારો જ શિક્ષકની નોકરી મેળવી શકે તેમ છે!

 * ૩,૫૭૮ પાસ ઉમેદવારો પણ રહી જશે: ૮૨ થી ૮૯ વચ્ચે ગુણ મેળવીને “ટેટ પાસ” થયેલા ૬,૦૭૮ ઉમેદવારોમાંથી માત્ર ૨,૫૦૦ ને જ નોકરી મળી શકે તેમ છે. બાકીના ૩,૫૭૮ અનામત કક્ષાના ઉમેદવારો પાસ (૮૨ ગુણ ઉપર) હોવા છતાં બિન અનામત જગ્યા (૯૦ ગુણ) માટે યોગ્યતા ન ધરાવતા નોકરીથી વંચિત રહેવાના છે!

મુખ્ય પ્રશ્ન: જ્યારે ૮૨+ ગુણ લાવીને પાસ થયેલા ૩,૫૭૮ લાયક ઉમેદવારો અગાઉથી જ ભરતી પ્રક્રિયાની બહાર ફેંકાઈ ગયા હોય ત્યારે ૮૧ ગુણ વાળા નાપાસ ઉમેદવારોને ગ્રેસિંગ આપીને પાસ કરવામાં આવે તો પણ તેઓ મેરિટમાં ક્યાંય સેટ થઈ શકે તેમ જ નથી!

🏛️ ૨. કોર્ટ કેસનો ફિયાસ્કો: ગ્રેસિંગ આપો તો પણ નાપાસ ઉમેદવારો લાયક બનતા નથી!

નાપાસ થયેલા ૭૫૦ ઉમેદવારોમાંથી ૬૫૦ તો અનામત વર્ગના છે (જેમના મુખ્ય પિટિશનરને પણ ૮૧ ગુણ છે).

 * જો ફાઇનલ આન્સર કીમાં વધુમાં વધુ ૪ થી ૫ પ્રશ્નોના જવાબમાં ફેરફાર થાય તો પણ તેમના ગુણ વધીને ૮૫ કે ૮૬ થાય.

 * પરંતુ અગાઉ દર્શાવ્યા મુજબ ૮૫ કે ૮૬ ગુણ વાળા અનામત ઉમેદવારો (૩૫૭૮) અગાઉથી જ રાહ જોઈ રહ્યા છે!

 * બિન-અનામતનો ખેલ: ૮૨ થી ૮૯ વચ્ચે ગુણ મેળવવા છતાં જનરલ કેટેગરીના કારણે નાપાસ થયેલા ૧,૩૮૨ ઉમેદવારોમાંથી માત્ર ૧૦૦ જેટલા ઉમેદવારો જ કોર્ટમાં ગયા હોવાની શંકા છે. આમાંથી પણ ૯૦ ગુણ સ્પર્શનારા ઉમેદવારોની સંખ્યા વધીને માંડ ૫૦ ની જ થાય!

એક કે બે માર્ક્સ માટે રહી ગયેલા ૧૩૮૨ (વધુમાં વધુ) સ્વાભિમાની બિન અનામત ઉમેદવારો સફળતાની નવી તૈયારીમાં લાગી ગયા છે પરંતુ આ ૭૫૦ ઉમેદવારો પાસેથી રૂપિયા ૧૦,૦૦૦ લેખે અંદાજે રૂ. ૭૫ લાખ એકઠા કરીને પ્રાઇવેટ વકીલો અને ટ્યુશન ક્લાસીસવાળા ઉકરડા ઉપર દીવો પ્રગટાવવાનો નિરર્થક પ્રયાસ કરી રહ્યા છે.

🏫 ૩. આન્સર કીની ઉદારતા જ રાજય પરીક્ષા બોર્ડ માટે ગળે પડી: “સરવાળા ભૂલ” સિવાય કોઈ હક નથી!

ધોરણ ૧ થી લઈને કોલેજ સુધી ક્યારેય આન્સર કી આપવામાં આવતી નથી. માત્ર પરિણામ જાહેર થાય છે અને ડાઉટ હોય તો માત્ર ‘ગુણ સરવાળા ચકાસણી’ ની અરજી કરી શકાય અને તે પણ નિયત ફી ભરીને.

ત્યારે રાજ્ય પરીક્ષા બોર્ડે ઉદારતા દાખવીને પ્રોવિઝનલ અને ફાઇનલ આન્સર કી આપી અને ૧૦ પ્રશ્નોમાં સુધારા પણ કર્યા. આમ છતાં ૧% થી પણ ઓછા (૭૫૦ નાપાસ) ઉમેદવારોના વાંધાને લીધે ૧૨% લાયક ઉમેદવારોની ભરતી અટકાવવી એ ન્યાયતંત્ર માટે પણ મૂંઝવણનો વિષય બની ગયો છે.

નામદાર અદાલત નમ્રતા સાથે ભરતીનું ગણિત સમજીને:

૧. આધાર-પુરાવા વગરના કેસ કરનારાઓની અરજીઓ દંડ સાથે ખારીજ કરવી જોઈએ.

૨. બેરોજગાર ઉમેદવારો પાસેથી કેસ ફીના નામે લીધેલ ૭૫ લાખ જેટલી રકમ વકીલ પાસેથી બેરોજગાર ઉમેદવારને પરત અપાવવી જોઈએ.

🎯 ૪. ૧૫મી ઓગસ્ટે મુખ્યમંત્રીના હસ્તે પ્રતિક નિમણુંક પત્ર આપવાની ભાવિ શિક્ષકોની માગણી

૩૧ જુલાઈના રોજ શાળાઓના બાળકોની સંખ્યાના આધારે ખાલી જગ્યાઓનું આખરી લિસ્ટ રોટેશન મુજબ આવી જશે.

જો ૨૪ જુલાઈની સુનાવણીમાં નામદાર હાઇકોર્ટ તરફથી અથવા સરકારી વકીલ દ્વારા આ આંકડાકીય ગણિત રજૂ કરીને એકતરફી લાગેલ ભ્રામિક સ્ટે હટાવવામાં આવે તો:

 * ૨૫ થી ૩૦ જુલાઈ દરમિયાન પ્રોવિઝનલ મેરિટ લિસ્ટ (PML) જાહેર થઈ શકે.

 * ૧ થી ૧૦ ઓગસ્ટ દરમિયાન ફાઇનલ મેરીટ લીસ્ટના આધારે જિલ્લા પસંદગી પૂર્ણ થઈ શકે.

 * ૧૫મી ઓગસ્ટ – સ્વતંત્રતા પર્વના રોજ મુખ્યમંત્રીશ્રીના વરદહસ્તે લાયક ઉમેદવારોને જિલ્લા ફાળવણીના નિમણુંક પત્રો પ્રતિક સ્વરૂપે આપી શકાય!

📢 યુટ્યુબરો અને ટ્યુશન ક્લાસીસવાળાઓને ખુલ્લો પડકાર!

ગુજરાતના શિક્ષણ વિભાગ અને લાયક ઉમેદવારોના ભવિષ્ય સાથે રમાતો ખેલ બંધ કરો. પોતાની ચેનલ ચલાવવા અને તગડી ફી વસુલવા જે બેબુનિયાદી ખોટા દાવાઓ કરો છો તે બંધ કરો.

જે યુટ્યુબરો અને ક્લાસીસવાળાઓ “સૌથી પહેલું સત્ય” આપવાનો દાવો કરે છે તેમને ખાસ વિનંતી છે કે ભ્રામક પ્રચાર કરવાના બદલે “આપડું કચ્છ” માધ્યમ દ્વારા રજૂ કરવામાં આવેલા આ સાચા આંકડાકીય ગણિતનો સ્વીકાર કરે અને ૧૧,૦૦૦ મહેનતુ સફળ ઉમેદવારોને ન્યાય અપાવવામાં સહભાગી બને!

વાત્સલ્યમ્ સમાચારમાં મુંદરા-કચ્છના સમાચાર/જાહેરાત આપવા માટે સંપર્ક કરો : 

-પુજા ઠક્કર, 

9426244508, 

ptindia112@gmail.com

«

Prev

1

/

167

Next

»

હજારોની સંખ્યામાં યુવાનો જંતર મંતર ઉપર એકઠા થયા અને "મોદી હટાવો દેશ બચાવો" ના નારા લગાવ્યા

મોરબીના મહેન્દ્રનગરથી કલેક્ટર કચેરી સુધીની પદયાત્રા પૂર્ણ: ખેડૂતોની વિશાળ સંખ્યામાં હાજરી

MORBI na jetpar ખેડૂત આંદોલનને સમેટવા માટે નિલેશ એરવાડીયાએ કરોડો માંગ્યાઃહકાભા ગઢવી.

«

Prev

1

/

167

Next

»