અહેવાલ
અરવલ્લી :હિતેન્દ્ર પટેલ
અરવલ્લી : પીસી-પી.એન.ડી.ટી એક્ટ-૧૯૯૪ હેઠળ અરવલ્લી જિલ્લા સલાહકાર સમિતિની બેઠક યોજાઇ
પીસી-પી.એન.ડી.ટી એક્ટ-૧૯૯૪ અન્વયે અરવલ્લી મુખ્ય જિલ્લા આરોગ્ય અધિકારી ડો.જયેશ એચ.પરમારના અધ્યક્ષ સ્થાને જિલ્લા સલાહકાર સમિતિની બેઠક યોજાઇ હતી. અરવલ્લી જિલ્લા પંચાયત આરોગ્ય શાખા ખાતે યોજાયેલી આ બેઠકમાં બાકી હોય તેવી કાર્યવાહીઓની વિગતો મેળવી તે અંગે ઘટતું થાય અને તે માટે કામગીરી હાથ ધરવામાં આવે તે બાબતે ચર્ચા કરવામાં આવી હતી. ઉપરાંત પીસી-પી.એન.ડી.ટી એક્ટ-૧૯૯૪ અન્વયે કરવાની થતી કામગીરીને બહાલી આપવામાં આવી હતી.પીસી-પી.એન.ડી.ટી એક્ટ-૧૯૯૪ અંતર્ગત, સ્ત્રી ભૃણ ગર્ભ પરિક્ષણ અને તે સાથે આવા બિનઅધિકૃત કૃત્યો પણ પ્રતિબંધિત છે, જે અન્વયે કડક કાર્યવાહી કરવા સહિતની જોગવાઇ છે.
આ બેઠકમાં PC-PNDT એડવાઈઝરી કમિટીના ચેરમેન દિલીપ પરમાર, સહાયક માહિતી નિયામક નિધિ જયસ્વાલ સહિત અરવલ્લી જિલ્લા સલાહકાર સમિતિના સભ્ય દીનેશભાઈ પટેલ (સરકારી વકીલ), ડૉ. દિનેશભાઈ ડી.ડામોર (ગાયનેકોલોજિસ્ટ-સબ ડિસ્ટ્રિક્ટ હોસ્પિટલ ભિલોડા), ડૉ. મેહુલ પટેલ (ગાયનેકોલોજિસ્ટ) , ડૉ.નીલ પટેલ (પીડિયાટ્રિક), ગૌતમ સોલંકી (NGO), તાલુકા આરોગ્ય અધિકારીઓ ઉપસ્થિત રહ્યા હતા.
