ભારત સરકારે નફો કરતી આયુર્વેદિક દવા બનાવતી સરકારી કંપની IMPCLને ₹121 કરોડમાં વેચી નાખી !!!

નવી દિલ્હી:
કેન્દ્ર સરકારે આયુષ મંત્રાલય હેઠળની એકમાત્ર નફો કરતી જાહેર ક્ષેત્રની કંપની ‘ઇન્ડિયન મેડિસિન્સ ફાર્માસ્યુટિકલ કોર્પોરેશન લિમિટેડ’ (IMPCL) ના ડિસઇન્વેસ્ટમેન્ટને મંજૂરી આપી દીધી છે. દિલ્હી સ્થિત પ્રાઈવેટ કંપની મેસર્સ સ્કાયમેપ ફાર્માસ્યુટિકલ્સ પ્રાઇવેટ લિમિટેડ એ ₹121 કરોડની સૌથી ઊંચી બોલી લગાવીને આ કંપનીનો 100% માલિકી હક અને મેનેજમેન્ટ કંટ્રોલ મેળવ્યો છે. આ સોદા બાદ ઉત્તરાખંડના અલ્મોડા (મોહાન) ખાતે આવેલી આ આયુર્વેદિક કંપનીની કામગીરી, બજાર અને કર્મચારીઓ પર મોટો ફેરફાર જોવા મળશે.

IMPCL કંપનીનો ઇતિહાસ અને કામગીરી
-સ્થાપના: આ કંપનીની સ્થાપના 12 જુલાઈ, 1978 ના રોજ ઉત્તરાખંડના અલ્મોડા (મોહાન) ખાતે કરવામાં આવી હતી.
-મુખ્ય હેતુ: દેશમાં શુદ્ધ અને પ્રમાણિત આયુર્વેદિક તેમજ યુનાની દવાઓનું ઉત્પાદન કરી સરકારી હોસ્પિટલો અને કેન્દ્રો સુધી પહોંચાડવાનો હતો.
-ઉત્પાદન ક્ષમતા: આ કંપની આશરે 656 ક્લાસિકલ આયુર્વેદિક અને 332 જેટલી યુનાની દવાઓનું ઉત્પાદન કરે છે જે દેશભરના ‘જન ઔષધિ કેન્દ્રો’ અને નેશનલ આયુષ મિશન હેઠળ સપ્લાય કરવામાં આવતી હતી.

IMPCL પ્રત્યક્ષ અને પરોક્ષ રીતે આશરે 8,000 થી 10,000 લોકો ને આજીવિકા પૂરી પાડે છે, ખાસ કરીને ઉત્તરાખંડના કુમાઉ પહાડી વિસ્તારના સ્થાનિક લોકો માટે તે આર્થિક કરોડરજ્જુ સમાન છે.

IMPCL અત્યાર સુધી દેશની સરકારી આયુર્વેદિક વ્યવસ્થા માટે ખૂબ મહત્વની કડી રહી છે. 

આ ડીલથી ભારતના ઝડપથી વિકસતા આયુર્વેદિક માર્કેટમાં સ્પર્ધા વધશે:

આ કંપની સતત નફો કરતી ‘મિની રત્ન’ સંસ્થા રહી છે.