ભારતીય રેલ્વેએ તેના કર્મચારીઓ, પેન્શનરો અને તેમના આશ્રિતો માટે સ્વાસ્થ્ય સંભાળ નીતિમાં મહત્વપૂર્ણ ફેરફાર
રેલ્વે હવે તેના તમામ કર્મચારીઓ, તેમના આશ્રિતો અને પેન્શનરોને યુનિક મેડિકલ આઇડેન્ટિફિકેશન (UMID) કાર્ડ જારી કરશે, જેના દ્વારા તેઓ રેલ્વેની સૂચિબદ્ધ હોસ્પિટલો અને દેશની તમામ AIIMSમાં મફત સારવાર મેળવી શકશે. આ કાર્ડ 100 રૂપિયામાં બનશે. આ નવી વ્યવસ્થાથી લગભગ 12.5 લાખ રેલવે કર્મચારીઓ, 15 લાખથી વધુ પેન્શનરો અને લગભગ 10 લાખ આશ્રિતોને ફાયદો થશે.
કર્મચારીઓ અને પેન્શનરોની ફરિયાદો બાદ આ નિર્ણય લેવામાં આવ્યો છે જેમાં આરોપ લગાવાયો હતો કે ડોકટરો તેમની પસંદગીની હોસ્પિટલોને રેફરલ આપે છે. નવી પોલિસી હેઠળ હવે રેફરલ વગર સારવાર શક્ય બનશે. આ સાથે તેઓને કોઈપણ અવરોધ વિના તબીબી સુવિધાઓ મળશે અને ડોકટરોના રેફરલ સંબંધિત ફરિયાદોનું પણ નિરાકરણ કરવામાં આવશે.
PGIMER ચંદીગઢ, જેઆઇપીએમઇઆર પુડુચેરી, નિમહંસ બેંગલુરુ અને દેશની 25 AIIMS જેવી રાષ્ટ્રીય સંસ્થાઓમાં સારવાર માટે કોઈ રેફરલની જરૂર રહેશે નહીં. આ સંસ્થાઓમાં માત્ર સારવાર જ નહીં પરંતુ જરૂરી દવાઓ પણ આપવામાં આવશે.
રેલવે બોર્ડના એક્ઝિક્યુટિવ ડિરેક્ટર (ટ્રાન્સફોર્મેશન) પ્રણવ કુમાર મલિકે સોમવારે યુનિક મેડિકલ આઇડેન્ટિફિકેશન (UMID) કાર્ડ જારી કરવાનો આદેશ આપ્યો હતો. આ નિર્ણય તાત્કાલિક અસરથી અમલમાં આવ્યો છે. UMID કાર્ડ હેલ્થ મેનેજમેન્ટ ઇન્ફોર્મેશન સિસ્ટમ (HMIS) દ્વારા ડિજીલોકરમાં સંગ્રહિત કરવામાં આવશે. આ કર્મચારીઓ-પેન્શનરોની પ્રોફાઇલ પર પણ ઉપલબ્ધ હશે.
આ કાર્ડ દ્વારા કર્મચારીઓ, પેન્શનરો અથવા આશ્રિતો રેલવેની પેનલમાં સમાવિષ્ટ કોઈપણ હોસ્પિટલ અથવા ડાયગ્નોસ્ટિક સેન્ટરમાં સારવાર મેળવી શકશે. આ કાર્ડનો ઉપયોગ ઈમરજન્સી અથવા સામાન્ય સારવાર માટે થઈ શકે છે. જો કોઈ વ્યક્તિ પાસે UMID કાર્ડ નથી, તો તેનો UMID નંબર પણ સારવાર માટે માન્ય રહેશે. ખાસ સંજોગોમાં અમુક હોસ્પિટલોને રેફરલ જારી કરવામાં આવશે, જે 30 દિવસના સમયગાળા માટે માન્ય રહેશે.
રોગ પહેલા લક્ષણને ઓળખો – એપિસોડ-૪ |કિડની પથરી અને પ્રોસ્ટેટ થી કઈ રીતે બચવું ? | Urology |Dr. Keyur Patel
[wptube id="1252022"]
