*જામનગર શહેરના બેડી વિસ્તાર અને તેની આસપાસના વિસ્તાર માટે જાહેરનામુંં બહાર પડાયુંં*
જામનગર (નયના દવે)
મ્યુનિસિપલ કમિશનરશ્રી, જામનગર મહાનગરપાલિકા, જામનગરની કચેરી તરફથી મળેલા અહેવાલ અનુસાર જામનગરના બેડીબંદર આરોગ્ય કેન્દ્રના મોમાઈનગર- 1 શાળા નં. 32/50 બેડીબંદર વિસ્તારમાં પોઝિટિવ કોલેરાનો કેસ નોંધાયો છે. તેથી આ રોગનો ફેલાવો થતો અટકાવવા માટે જામનગરના બેડીબંદર આરોગ્ય કેન્દ્રના મોમાઈનગર- 1 શાળા નં. 32/50 બેડીબંદર કોલેરા ગ્રસ્ત વિસ્તાર જાહેર કરવા માટે અને તેની આજુબાજુના વિસ્તારને કોલેરા ભયગ્રસ્ત વિસ્તાર જાહેર કરવા માટેની દરખાસ્ત સામે આવી છે.
કોલેરા રોગનો ફેલાવો થતો અટકાવવા માટે અને તાત્કાલિક પગલાં લેવા માટે એપેડેમિક ડિસીઝ એક્ટ નંબર 3 ઓફ 1897 અન્વયે કોલેરા રોગ નિયંત્રણની કલમ- 2 પ્રમાણે તેમને મળેલા અધિકારની રૂએ જિલ્લા મેજિસ્ટ્રેટ શ્રી બી.કે.પંડયા, જામનગર દ્વારા જાહેરનામું બહાર પાડવામાં આવ્યું છે. આ જાહેરનામાના પરિશિષ્ટ- 1 મુજબ જામનગરના બેડીબંદર આરોગ્ય કેન્દ્રના મોમાઈનગર- 1 શાળા નં. 32/50 બેડીબંદર કોલેરા ગ્રસ્ત વિસ્તાર અને પરિશિષ્ટ- 2 મુજબ જામનગરના બેડીબંદર આરોગ્ય કેન્દ્રના મોમાઈનગર- 1 શાળા નં. 32/50 બેડીબંદર આસપાસનો 2 કિ.મી. સુધીનો વિસ્તાર કોલેરા ભયગ્રસ્ત વિસ્તાર તરીકે જાહેર કરવામાં આવે છે.
એપેડેમિક ડિસીઝ એક્ટ-1897 ની કલમ- 3 હેઠળ પરિશિષ્ટ- 1 અને પરિશિષ્ટ- 2 માં જણાવેલા વિસ્તાર માટે નાયબ કમિશનરશ્રી, જામનગર મહાનગરપાલિકા, જામનગરને કોલેરા નિયંત્રણ અધિકારીશ્રી તરીકે તેમની નિમણુંક કરવામાં આવે છે અને તેમને નિયંત્રણ હેઠળની તમામ સત્તાઓ એનાયત કરવામાં આવે છે. આ ઉપરાંત મુખ્ય જિલ્લા આરોગ્ય અધિકારીશ્રીએ ઉક્ત જાહેરનામાની બહોળી રીતે પ્રસિદ્ધિ કરાવવાની રહેશે. તે મુજબ જીલ્લા માહિતી કચેરીના જલકૃતિ મહેતાએ અહેવાલમાં જણાવ્યુ છે
000000
