કાલોલ તાલુકાના એક ગામની ઘરેથી નીકળી ગયેલ યુવતીને પરિવાર સાથે મિલન કરાવતી ગોધરા 181 અભયમ ટીમ
તારીખ ૨૪/૦૭/૨૦૨૪
સાજીદ વાઘેલા કાલોલ
પંચમહાલ જિલ્લાના શહેરા તાલુકાના એક વિસ્તારમાંથી જાગૃત વ્યક્તિ દ્વારા કોલ કરીને જણાવેલ કે એક ૧૪થી ૧૫ વર્ષની યુવતી જંગલ વિસ્તારમાં રસ્તા ઉપર બેસી રહેલ છે તેમની મદદ માટે ૧૮૧ પર જાણ કરેલ. ગોધરા અભયમ ટીમ તાત્કાલિક સ્થળ પર પહોંચી.થર્ડ પાર્ટી દ્વારા જણાવેલ કે આ યુવતી એકલા એકાદ કલાકથી રસ્તા પર બેસી રહ્યા છે અને રડ્યા કરતા હતા.સાંજનો સમય હતો અને જંગલ વિસ્તાર હોવાથી અહીંયા જંગલી પશુઓ વધારે હોય છે યુવતી સાથે વાતચીત કરતા તેઓ માનસિક રીતે તો અસ્વસ્થ હોય તેવું જણાતું હોય જેથી મદદ માટે ૧૮૧ જાણ કરી ૧૮૧ ટીમ દ્વારા યુવતીનું સફળ કાઉન્સિલિંગ કરતા યુવતીએ તેમનું નામ સરનામું જણાવ્યું.યુવતી એ કાલોલ તાલુકાના ગામ વિશે જણાવતા યુવતીએ જણાવેલ સરનામાં વિશે ત્યાંના સરપંચ સાથે વાતચીત કરી કરતાં સરપંચે જણાવ્યું કે આ યુવતી તેમના ગામની જ છે અને અવારનવાર ઘરેથી નીકળી જાય છે. જેથી સરપંચ પાસેથી તેમનું પુરૂ સરનામું મેળવી ૧૮૧ ટીમ દ્વારા યુવતી ને તેમના કુટુંબના મમ્મી અને કાકાને સોંપવામાં આવેલ.
