વાત્સલ્યમ સમાચાર,બળવતસિંહ ઠાકોર,ખેરાલુ
ખેરાલુ અર્બન હેલ્થ સેન્ટરના આરોગ્ય કર્મચારી દ્વારા સગર્ભા માતાઓની સંભાળ લેવામાં આવી
જિલ્લા વિકાસ અધિકારી શ્રી ડો. હસરત જૈસ્મિન તથા મુખ્ય જિલ્લા આરોગ્ય અધિકારી દ્વારા જે જોખમી સગર્ભામાતાનું લિસ્ટ આપવામાં આવેલ તેવી સગર્ભાઓની તાલુકા આરોગ્ય અધિકારીશ્રી ડૉ. અલ્કેશ શાહની હાજરીમા ખેરાલુ અર્બન હેલ્થ સેન્ટર ના અર્બન હેલ્થ ઓફિસર ડૉ.જગદીશભાઈ પ્રજાપતિ સુપરવિઝન હેઠળ સગર્ભા માતાઓ જેઓની આગામી ત્રણ માસમાં ડિલિવરી થવાની છે તેમની મુલાકાત કરવામાં આવી હતી.
ગત રોજ તાલુકા આરોગ્ય અધિકારી શ્રી ડો જગદીશભાઈ અને યાત્રિક ચૌધરી, ફિમેલ હેલ્થ વર્કર જાગૃતિબેન રબારી, આરોગ્ય કાર્યકર ગોવિંદ રબારી દ્વારા સગર્ભા બહેનોની ગૃહ મુલાકાત કરી જરૂરી માર્ગદર્શન આપ્યું,અને સગર્ભા માતાની મુલાકાત કરવામાં આવી. જેના ભાગરૂપે આરોગ્યના અલગ અલગ કેડર ના કાર્યકર દ્વારા સગર્ભા માતાની મુલાકાત કરવામાં આવી હતી અને તેઓના બર્થ માઇક્રોપ્લાન વેરિફિકેશન અને સોનોગ્રાફી નું સ્ટેટસ જાણવામાં આવ્યું તથા જરૂરી સલાહ સૂચન આપવામાં આવી હતી આ માટે આશાબેનો અને કર્મચારીઓ સહભાગી બન્યા હતા.
