Jetpur: જેતપુરના જેતલસર ગામે પી.ડી.બી.સંકુલ ખાતે ખેલમહાકુંભની સ્પર્ધાનું આયોજન કરાયુ
તા.૧૧/૧/૨૦૨૫
વાત્સલ્યમ્ સમાચાર
અમુ સિંગલ જેતપુર
Rajkot, Jetpur: જેતપુરના જેતલસર ગામે પી.ડી.બી.સંકુલ ખાતે ખેલમહાકુંભ અંતર્ગત દોડ,કુદ અને ફેક સ્પર્ધાનું આયોજન કરવામાં આવ્યું હતું.આ ઇવેમન્ટમાં વિજેતા બનનાર ખેલાડીઓ જિલ્લા કક્ષાની સ્પર્ધા માં ભાગ લેવા જશે.
રાજય સરકાર દ્વારા ગુજરાતની યુવા પેઢી રમત-ગમત ક્ષેત્રે આગળ વધે તે માટે ખેલમહાકુંભ નું આયોજન કરવામાં આવે છે.ત્યારે આ વર્ષે પણ રાજય સરકાર ના રમતગમત અને સંસ્કૃતિક વિભાગ દ્વારા સમગ્ર રાજયમાં ખેલમહાકુંભ નું આયોજન કરવામાં આવ્યું છે.જે અંતર્ગત જેતપુર તાલુકાના જેતલસર ગામે આવેલ પી.ડી.વી. સંકુલ ખાતે દોડ,કુદ, અને ફેંક ની સ્પર્ધાનું આયોજન કરવામાં આવ્યું હતું જેમાં તાલુકા માંથી અંદાજે 1000 થી 1200 જેટલા યુવક, યુવતીઓએ ઉત્સાહ ભેર ભાગ લીધો હતો.
ખેલમહાકુંભ અંતર્ગત ચાલી રહેલા વિવિધ સ્પર્ધામાં વિજેતા બની રહેલા ખેલાડીઓ જિલ્લા કક્ષા એ રમવા જશે.જેટલસર ખાતે યોજાયેલ આ સ્પર્ધામાં ખેલાડીઓ એ ઉત્સાહ ભેર ભાગ લીધો હતો તો બીજી તરફ આયોજકો દ્વારા ખેલાડીઓને મુશ્કેલી ના પડે તે માટે સુંદર આયોજન કરવામાં આવ્યું હતું.
