હાલોલ બસ સ્ટેન્ડ ખાતે ખાનગી વાહનો પાર્કિંગનો અડ્ડો બનતા એસટી તંત્ર દ્વારા વાહનો પર સ્ટીકર લગાવી ચેતવણી આપી
રિપોર્ટર. કાદિર દાઢી.હાલોલ
તા.૧.૫.૨૦૨૫
હાલોલ બસ સ્ટેન્ડ ખાતે ખાનગી વાહનો પાર્કિંગનો અડ્ડો જામી જતા એસટી તંત્ર હરકતમાં આવી બસ સ્ટેન્ડ ની અંદર પાર્ક કરેલા ખાનગી વાહનો પર આ બસ સ્ટેન્ડની અંદર વાહન પાર્ક કરવા નહીં અન્યથા પોલીસ કાર્યવાહી કરવામાં આવશે તેવા પાર્ક કરેલી ગાડી પર સ્ટીકર લગાવી ખાનગી વાહન ચાલકોને તાકેદ કરવામાં આવ્યા હતા.હાલોલ બસ સ્ટેન્ડ ની અંદર ખાનગી વાહનો પાર્ક નહીં કરવા બાબતનું જાહેરનામું હોવા છતાં પણ હાલોલ બસ સ્ટેન્ડ ની અંદર સતત ખાનગી વાહન ચાલકો દ્વારા પાર્ક કરવામાં આવતા હોવાનું તેમજ પાર્કિંગ કરેલા આ ખાનગી વાહનોમાં અનૈતિક એક્ટિવિટી થતી હોવાનું તેમજ બસ સ્ટેન્ડમાં એસટી ને આવવા જવામાં અડચણરૂપ વાહનો ના કારણે ઘણી વાર ખાનગી વાહન ચાલકો સાથે એસટીના કર્મચારીઓને સંઘર્ષમાં ઉતરવું પડતું હોવાનું એસટી તંત્રને ધ્યાને આવતા આ બધા પરિબળોને ધ્યાનમાં લઇ હાલોલ એસટી સત્તાવાળાઓ દ્વારા હાલોલ બસ સ્ટેન્ડ ની અંદર પાર્ક કરેલા ખાનગી વાહનો ના મેઈન ગ્લાસ પર ઉપર સ્પીકર ચોટાડી વાહન ચાલકોને તાકીદ ની ચેતવણી આપવામાં આવી છે.જ્યારે આ અંગે હાલોલ એસટી સત્તાવાળાઓ ના જણાવ્યા મુજબ આ ચેતવણીના સ્ટીકર લગાવ્યા બાદ પણ આ પ્રકારે ખાનગી વાહનો બસ સ્ટેન્ડ ની અંદર પાર્ક કરવામાં આવશે તો કાયદેસરની પોલીસ કાર્યવાહી કરવાની ફરજ પડશે તેમ તેઓએ જણાવ્યું હતું.
