Rajkot: આર.ટી.ઓ. દ્વારા મોટર વાહનોની નવી જી.જે.૦૩. બી.ઝેડ, જી.જે.૦૩.સી.યુ. સિરીઝનું ઈ-ઓક્શન કરાશે
તા.૨/૯/૨૦૨૫
વાત્સલ્યમ્ સમાચાર
ગોલ્ડન-સિલ્વર નંબર મેળવવા ઈચ્છુક વાહનધારકોએ અરજીઓ કરવા સૂચના
પ્રાદેશિક વાહનવ્યવહાર કચેરી-રાજકોટ દ્વારા મોટર વાહનો માટેની જી.જે. ૦૩ બી.ઝેડ, જી.જે.૦૩.સી.યુ. સિરીઝની ઈ-ઓક્શનની પ્રક્રિયા તા.૦૮ સપ્ટેમ્બરથી શરૂ કરવામાં આવશે.
આર.ટી.ઓ.ની યાદીમાં જણાવાયું છે કે, નવી સિરીઝના ગોલ્ડન-સિલ્વર કે પસંદગીના નંબર મેળવવા ઈચ્છુક વાહનચાલકો તેમના વાહનોનું www.parivahan.gov.in/fancy પર ઓનઆઈન રજિસ્ટ્રેશન કરીને ઈ-ઓક્શનમાં ભાગ લઈ શકશે. આ માટે તા.૦૮/૦૯/૨૦૨૫થી તા.૧૦/૦૯/૨૦૨૫ સુધી ઓનલાઈન અરજી કરવાની રહેશે. તા.૧૦/૦૯/૨૦૨૫થી તા.૧૨/૦૯/૨૦૨૫ના સાંજે ચાર કલાક સુધીમાં ઓનલાઈન ઓક્શન બિડિંગ પ્રક્રિયા પૂર્ણ થયા બાદ તા.૧૩/૦૯/૨૦૨૫ના રોજ કચેરીમાં ફોર્મ જમા કરાવવાના રહેશે.
વાહન વેચાણ તારીખથી સાત દિવસની અંદર સી.એન.એ. ફોર્મ ઓનલાઈન ભરેલું હોવું ફરજિયાત છે. સમયમર્યાદા બહારની અરજી ધ્યાને લેવાશે નહીં તેમ યાદીમાં જણાવાયું છે.
