કાલોલ તાલુકા પંચાયત ખાતે હેલ્થ ઓફિસર ની ઉપસ્થિતિમાં પોષણ-માસની ઉજવણી અંતર્ગત પોષ્ટિક વાનગી સ્પર્ધા યોજાઇ.
તારીખ ૨૪/૦૯/૨૦૨૫
સાજીદ વાઘેલા કાલોલ
૨૦૨૫ પોષણ ઉત્સવ અંતર્ગત આઇસીડીએસ કાલોલ ઘટક-૧ અને ઘટક-૨ માં પોષણ માસની ઉજવણી કાલોલ તાલુકા પંચાયતના સભાખંડ ખાતે પોષ્ટિક વાનગી સ્પર્ધાનુ આયોજન કરવામાં આવ્યુ હતું.પોષણ માસની ઉજવણી દરમિયાન કાલોલ હેલ્થ ઓફિસર મીનેશ દોશી દ્વારા એનીમિયા તેમજ પોષણ વિશે સમજ આપવામાં આવી તેમજ આઈસીડીએસ સ્ટાફ દ્વારા સરકારસશ્રી દ્વારા મળતી યોજનાઓ અંગે માહિતી આપવામાં આવી હતી.આ પોષણ ઉત્સવ ઉજવણીમાં THR અને મિલેટ્સ માંથી બનતી વિવિધ પૌષ્ટિક વાનગી બનાવીને સ્પર્ધા યોજી, આ વાનગી સ્પર્ધામાં પ્રથમ, દ્વિતીય અને તૃતીય ક્રમે આવેલ વિજેતાઓને પ્રમાણપત્ર વિતરણ કરવામાં આવ્યા હતાં.અંત્રે ઉલ્લેખનીય છે કે, પોષણ ઉત્સવ ૨૦૨૫ની ઉજવણી પંચમહાલ જિલ્લાના વિવિધ આંગણવાડી કેન્દ્રો દ્વારા પોષણ માસની ઉજવણી કરવામાં આવી રહી છે. આ ઉજવણીમાં THR અને મિલેટ્સનો ઉપયોગ કરવાથી થતા ફાયદા અને રોજ-બરોજના જીવનમાં કેવી રીતે ઉપયોગ કરવા અંગેની માહિતી આપવામાં આવે છે.આ કાર્યક્રમમાં કાલોલ તાલુકા પંચાયતના પ્રમુખ સવીતાબેન રાઠવા, કાલોલ હેલ્થ ઓફિસર મીનેશ દોશી, કાલોલ તાલુકા પંચાયતના ઇન્ચાર્જ ટીડીઓ શીતલબેન,આઇસીડીએસ ના સીડીપીઓ શારદાબેન વીંઝ સહિત આગેવાનો અને આઇસીડીએસ કર્મચારીઓ સહિત મોટીસંખ્યામાં આંગણવાડી વર્કર બહેનો હાજર રહ્યાં હતાં.
