ઓક્ટોબર માસમાં થયેલ કમોસમી વરસાદના કારણે જૂનાગઢ જિલ્લાના તમામ ગામોમાં ખેતી તથા બાગાયતી પાકોમાં નુકસાની થયેલ. જે નુકસાની નું વળતર ચૂકવવા સરકારશ્રી દ્વારા કૃષિ રાહત પેકેજ ઓક્ટોબર -૨૦૨૫ જાહેર કરેલ છે. જેમાં બીનપિયત, પીયત તેમજ બહુવર્ષાયુ બાગાયતી પાકોમાં 33% કે તેથી વધુ નુકસાન માટે પ્રતિ હેક્ટર રૂ. ૨૨,૦૦૦/- લેખે મહત્તમ બે હેક્ટર ની મર્યાદામાં સહાય મળવા પાત્ર રહેશે. ઉક્ત સહાય મેળવવા માટે લાભાર્થી ખેડૂતોએ ગામના VCE/VLE પાસે ઓનલાઇન અરજી કરાવવાની રહેશે. જેમાં ૭-૧૨ ૮-અ, તલાટીનો વાવેતરનો દાખલો, આધાર કાર્ડ, મોબાઈલ નંબર બેન્ક એકાઉન્ટ વિગત અને સંયુક્ત ખાતેદારોના કિસ્સાઓમાં ના વાંધા અંગેનો સંમતિ પત્ર સાથે જોડવાનો રહેશે અને ઓનલાઈન અરજી VCE/VLE વિશે મારફત કરવાની રહેશે. આ અરજીઓ ૧૪ નવેમ્બર ૨૦૨૫ થી ૧૫ દિવસ માટે કૃષિ રાહત પેકેજ પોર્ટલ ખુલ્લું મુકવામાં આવેલ છે આ અંગે વધુ જાણકારી આપના વિસ્તારના તલાટીમંત્રી, ગ્રામસેવક, વિસ્તરણઅધિકારી, તાલુકા વિકાસ અધિકારી, મદદનીશ ખેતી નિયામક(તા.મુ.), જિલ્લા ખેતીવાડી અધિકારી, નાયબ ખેતી નિયામક (તાલીમ) અથવા કિસાન કોલ સેન્ટર ટોલ ફ્રી નંબર – ૧૮૦૦૧૮૦૧૫૫૧ નો સંપર્ક કરવો તેમ જિલ્લા ખેતીવાડી અધિકારીશ્રી, જિલ્લા પંચાયત, જૂનાગઢ ની યાદીમાં જણાવવામાં આવ્યું છે
બાયલાયન :- અનિરૂધ્ધસિંહ બાબરીયા – કેશોદ
