GANDHINAGAR:ગુજરાતના અને ગાંધીનગર ખાતે બ્રિક્સ યુથ કાઉન્સિલની બેઠકબ્રિક્સ યુથ સમિટ સફળતાપૂર્વક યોજાઈ
GANDHINAGAR:ગુજરાતના અને ગાંધીનગર ખાતે બ્રિક્સ યુથ કાઉન્સિલની બેઠકબ્રિક્સ યુથ સમિટ સફળતાપૂર્વક યોજાઈ
ભારતની બ્રિક્સ અધ્યક્ષતા 2026 હેઠળ ભારત સરકારના યુવા બાબતો અને રમતગમત મંત્રાલયના યુવા બાબતોના વિભાગ દ્વારા આયોજિત બ્રિક્સ યુથ કાઉન્સિલની બેઠક અને બ્રિક્સ યુથ સમિટ 19 ઓગસ્ટ 2026ના રોજ ગાંધીનગર, ગુજરાત ખાતે સફળતાપૂર્વક સંપન્ન થઈ હતી. ભારતની બ્રિક્સ અધ્યક્ષતા “બિલ્ડિંગ ફોર રિસિલિયન્સ, ઇનોવેશન, કોઓપરેશન એન્ડ સસ્ટેનેબિલિટી” ના વિષય (થીમ) દ્વારા માર્ગદર્શિત છે. બ્રિક્સ યુવા જોડાણોએ બ્રિક્સ માળખાની વ્યાપક પ્રાથમિકતાઓ સાથે યુવા સહયોગને સુસંગત બનાવીને ‘લોક-કેન્દ્રિત’ અને ‘માનવતા પ્રથમ’ અભિગમ પ્રતિબિંબિત કર્યો હતો.
બ્રિક્સ યુથ સમિટમાં બ્રિક્સ સભ્ય અને ભાગીદાર દેશોના યુવા પ્રતિનિધિઓ, યુવા નેતાઓ, અધિકારીઓ અને મંત્રીઓ એકઠા થયા હતા, જેણે યુવાનો માટે સામાન્ય મહત્વ ધરાવતા મુદ્દાઓ પર સંવાદ, વિચારોના આદાન-પ્રદાન અને સામૂહિક સક્રિયતા માટે એક વાઇબ્રન્ટ મંચ પૂરું પાડ્યું હતું. આ જોડાણોએ ટકાઉ વિકાસને આગળ ધપાવવામાં, લોકો-સાથે-લોકોના સંબંધોને મજબૂત કરવામાં અને વધુ સમાવેશી અને સમૃદ્ધ ભવિષ્યને ઘડવામાં યુવાનોની કેન્દ્રીય ભૂમિકાનો પુનરોચ્ચાર કર્યો હતો.
ઉદ્ઘાટન સત્રમાં યુવા બાબતો અને રમતગમતના આદરણીય રાજ્ય મંત્રી શ્રીમતી રક્ષા નિતિન ખડસે; ગુજરાતના આદરણીય નાયબ મુખ્યમંત્રી શ્રી હર્ષ સંઘવી; ગુજરાત સરકારના કાર્યકારી મુખ્ય સચિવ ડૉ. અંજુ શર્મા; યુવા બાબતોના વિભાગના અપર સચિવ શ્રી નાઇતેશ કુમાર મિશ્રા; અને બ્રિક્સ સભ્ય તથા ભાગીદાર દેશોના પ્રતિનિધિમંડળના વડાઓ અને પ્રતિનિધિઓ ઉપસ્થિત રહ્યા હતા.
બ્રિક્સ યુથ સમિટમાં યુવા સહયોગના મુખ્ય પ્રાથમિકતા ક્ષેત્રોની આસપાસ આધારિત વિષયવસ્તુ-આધારિત (થીમેટિક) ચર્ચા રજૂ કરવામાં આવી હતી: શિક્ષણ, સાહસિકતા અને ભવિષ્યની સજ્જતા; સમાવેશી વિકાસ અને યુવા કલ્યાણ; સુસ્થિરતા અને પર્યાવરણીય જવાબદારી તેમજ લોકો-સાથે-લોકોનો સહયોગ અને યુવા જોડાણ. ચર્ચાઓએ યુવા નેતાઓ અને નિષ્ણાતોને દ્રષ્ટિકોણ, અનુભવો અને નવીન અભિગમો શેર કરવાની તક પૂરી પાડી હતી, જ્યારે બ્રિક્સ યુવાનો વચ્ચે વધુ ઊંડા સહયોગ માટેના માર્ગોની શોધ કરી હતી.
યુથ સમિટની સાથે યોજાયેલી બ્રિક્સ યુથ કાઉન્સિલની બેઠકમાં બ્રિક્સ સભ્ય દેશોના પ્રતિનિધિઓ એકઠા થઈને યુવા સહયોગના પ્રાથમિકતા ક્ષેત્રો પર વિચાર-વિમર્શ કર્યો હતો. કાઉન્સિલે સભ્ય દેશો દ્વારા શેર કરવામાં આવેલા અવલોકનો, રાષ્ટ્રીય અનુભવો અને શ્રેષ્ઠ પદ્ધતિઓને ધ્યાનમાં રાખીને સંયુક્ત જાહેરનામાના મુસદ્દા અને બ્રિક્સ યુથ કોઓપરેશન ફ્રેમવર્ક પર વિચાર-વિમર્શ કર્યો હતો. આ વિચાર-વિમર્શે 22 ઓગસ્ટ 2026 ના રોજ વિશાખાપટ્ટનમ, આંધ્રપ્રદેશ ખાતે યોજાનાર બ્રિક્સ યુવા મંત્રીઓની બેઠક પહેલા સર્વસંમતિ-આધારિત પરિણામો મેળવવામાં યોગદાન આપ્યું હતું.
બ્રિક્સના સભ્યો અને ભાગીદાર પ્રતિનિધિઓએ પરંપરાગત વાનગીઓ અને સાંસ્કૃતિક વાર્તાલાપ દ્વારા ગુજરાતની સમૃદ્ધ સાંસ્કૃતિક પરંપરાઓનો પણ અનુભવ કર્યો હતો, જેણે ભારતના વૈવિધ્યસભર વારસાની વધુ પ્રશંસાને પ્રોત્સાહન આપ્યું હતું અને ભાગ લેનારા દેશો વચ્ચે વિચારો, અનુભવો અને પદ્ધતિઓના અર્થપૂર્ણ આદાન-પ્રદાન માટેની તકો ઊભી કરી હતી.
ગાંધીનગરના વાઇબ્રન્ટ સાંસ્કૃતિક અને સંસ્થાકીય પરિદ્રશ્યની પૃષ્ઠભૂમિમાં બ્રિક્સ યુથ કાઉન્સિલની બેઠક અને બ્રિક્સ યુથ સમિટનું સફળ આયોજન, બ્રિક્સમાં યુવા-સંચાલિત સહયોગને ગાઢ બનાવવા અને યુવાનોને બ્રિક્સ પરિવારના વહેંચાયેલા પ્રાથમિકતાઓ અને ભવિષ્યમાં યોગદાન આપવા માટે અર્થપૂર્ણ મંચ પૂરો પાડવા માટે ભારતની કટિબદ્ધતાને પુનઃપુષ્ટ કરે છે.
