અરવલ્લી
અહેવાલ :હિતેન્દ્ર પટેલ
ભિલોડા : સુનસર ધોધનો નયનરમ્ય નજારો…. વરસાદમાં ઝરમર ઝરે, લીલો રાગ રચે, પ્રકૃતિની કૃપાથી ખીલે,દિલને સ્પર્શે, મન મોહે.
અરવલ્લી જિલ્લાના ભિલોડા તાલુકામાં આવેલો સુનસર ધોધ વરસાદની ઋતુમાં પ્રકૃતિની નયનરમ્ય સુંદરતાનું અદ્ભુત ઉદાહરણ છે. આ ધોધ, લીલાછમ જંગલો અને વરસાદના ઝરમર સાથે જાણે પ્રકૃતિનું ગીત ગુંજન કરે છે. જ્યારે વરસાદ ધોધના ઝરણાં સાથે ભળે છે, ત્યારે એક મોહક દૃશ્ય સર્જાય છે, જે નિહાળનારના મનને આનંદથી ભરી દે છે.અનેક સેહલાણીયો આ નજારો જોવા આવે છે..
સુનસર ધોધની આસપાસનો વિસ્તાર લીલી વનરાજીથી ઘેરાયેલો છે, જ્યાં ઝાડની ડાળીઓ પર ઝરમરતું પાણી અને પક્ષીઓના કલરવથી વાતાવરણ જીવંત બને છે. ધોધનું પાણી ખડકો પરથી નીચે ખાબકતાં દૂધ જેવી સફેદ ફીણ ઉડે છે, જે સૂર્યપ્રકાશમાં ચમકે છે. આ દૃશ્ય જાણે કુદરતનું ચિત્રકામ હોય એવું લાગે. વરસાદની ઋતુમાં ધોધનું પ્રવાહવેગ વધે છે, અને તેનો ગડગડાટ દૂરથી સંભળાય છે.આ સ્થળ પ્રવાસીઓ અને પ્રકૃતિ પ્રેમીઓ માટે આકર્ષણનું કેન્દ્ર છે. ધોધની નજીક બેસીને ઠંડા પવનની લહેરખી અને પાણીના છાંટા અનુભવવા એ એક અનોખો અનુભવ છે. સુનસર ધોધની આસપાસની શાંતિ અને કુદરતી સૌંદર્ય મનને શાંત કરે છે, જે શહેરની ભીડભાડથી દૂર એક સ્વર્ગીય અનુભૂતિ આપે છે. આ ધોધ એક એવું સ્થળ છે, જ્યાં પ્રકૃતિની કરામત અને માનવીની શાંતિ એકબીજામાં ભળી જાય છે.
