ABADASAGUJARATKUTCH

સરગવાની પ્રાકૃતિક ખેતી કરીને અબડાસાના દિનેશભાઇ ડાયાનીએ મેળવ્યું ગુણવત્તાયુકત ઉત્પાદન.

રાસાયણિક ખેતી કરતા વધુ નફો મેળવીને દિનેશભાઇ જમીનમાં ક્ષારનું પ્રમાણ ઘટાડવામાં સફળ થયા.

વાત્સલ્યમ્ સમાચાર.

રિપોર્ટ :- રમેશ મહેશ્વરી – અબડાસા કચ્છ.

અબડાસા,તા-૦૮ જુલાઈ  : કચ્છમાં પ્રાકૃતિક ખેતી કરતા ખેડૂતો પ્રેરણારૂપ બન્યા છે. પોતાની મહેનત, ધગશ તથા સર્વજન હિતાયના વિચારબીજ થકી પ્રાકૃતિક ખેતી કરતા કિસાન વિવિધ પ્રકારની ખેતી કરીને ઉચ્ચ ગુણવત્તાયુકત ઉત્પાદન સાથે રાસાયણિક ખેતી કરતા વધુ નફો રળી રહ્યા છે. પ્રાકૃતિક ખેતી કરતા ખેડૂતો પૈકી અબડાસાના કનકપરના દિનેશભાઇ રવજીભાઇ ડાયાનીનો સમાવેશ થાય છે. તેઓ મહેનતના પરીણામે પ્રાકૃતિક પધ્ધતિથી સરગવાની ખેતી કરવામાં સફળ થયા છે. તેઓએ ખૂબ જ સારા પરીણામ મેળવીને સરહદી તાલુકા અબડાસાના ખેડૂતો માટે શ્રેષ્ઠ માર્ગ ચીંધ્યો છે. દિનેશભાઇ ૯ એકરમાં પ્રાકૃતિક ખેતી કરે છે. તેઓ જણાવે છે કે, વર્ષ ૨૦૧૯થી પ્રાકૃતિક ખેતીની શરૂઆત કરી હતી. અમદાવાદ ખાતે સુભાષ પાલેકરની શિબિરમાં ભાગ લીધો હતો તેમજ સોશિયલ મીડિયા અને યૂ-ટ્યૂબ માધ્યમથી પ્રાકૃતિક કૃષિ અંગે માર્ગદર્શન મેળવ્યું અને પ્રાકૃતિક કૃષિની શરૂઆત કરી હતી. પ્રાકૃતિક ખેતીમાં જીવામૃત, બીજામૃત, નિમાસ્ત્ર વિગેરે બનાવીને તેનો ઉપયોગ ખેતીમાં કરવામાં આવે છે. પ્રાકૃતિક કૃષિમાં હું સરગવો, ખારેક, એપલ બોર, મગફળી જેવા પાકો લઉં છું. તેઓ જણાવે છે કે, અગાઉ એક એકરમાં રાણાયણિક ખેતીમાં સરગવાની ખેતીમાં ખર્ચ ૪૪ હજાર હતો, સામે ચોખ્ખી આવક રૂ. ૨૮૦૦૦૦ હતી જયારે પ્રાકૃતિક ખેતીમાં ખર્ચ માત્ર ૨૪૦૦૦ થઇ રહ્યો છે જયારે રૂ.૩૧૦૦૦૦ની ચોખ્ખી આવક થઇ રહી છે. પ્રાકૃતિક કૃષિમાં ગુણવત્તા યુક્ત પ્રાકૃતિક પેદાશના સારા ભાવ મળે છે. જમીન ફળદ્રુપ અને બંધારણ સુધરે છે. આર્થિક રીતે સધ્ધર થવાય છે. જીવામૃતનો ઉપયોગ કરવાથી જમીનમાં સૂક્ષ્મજીવો અને પોષકતત્વોનું પ્રમાણ વધ્યું છે. જમીનની ફળદ્રુપતામાં વધારો થવાથી ઉત્પાદનમાં વધારો થયો છે. ખેતરમાં રહેલા સૂકા પાંદડાં, ડાળીઓ વગેરેનું આચ્છાદાન કરવાથી જમીનની ભેજ ધારણ શક્તિમાં વધારો થયો છે. વધુમાં નીંદણનું નિયંત્રણ થઈ જાય છે. જમીન અળસિયાના લીધે વધુ સક્ષમ બની છે તેના કારણે વરસાદનું પાણી જમા થતું નથી જમીનમાં ઉતારી જાય છે.તેઓ ઉમેરે છે કે, રાસાયણિક ખેતીમાં દવાઓ અને ખાતરનો ખર્ચો વધી જાય છે તેમજ નિંદણ પણ વધારે ઊગી નીકળે છે. વધારે મજૂરી ખર્ચ સાથે જમીનનું બંધારણ, પાણીની ગુણવત્તા બગડે છે તથા પાકની ગુણવતા નબળી હોય છે. જમીનમાં ક્ષારનું પ્રમાણ વધે છે તથા રાસાયણિક ખેતીમાં પાકને બધુ પિયતની જરૂર પડે છે. જયારે પ્રાકૃતિક ખેતી થકી આ સમસ્યાથી છુટકારો મળે છે. પ્રાકૃતિક ખેતીના કારણે મારી જમીનમાં ક્ષારનું પ્રમાણ ઘટયું છે. જેથી ફળદ્રુપતામાં વધારો થયો છે.

હર્દય રોગનો હુમલો ના આવે તે માટે શું કરવું ? જાણો અહી, રોગ પહેલા લક્ષણને ઓળખો – એપિસોડ-૨ | હૃદય રોગનો હુમલો | Heart attack | Dr.Nishith Sardava

[wptube id="1252022"]
Back to top button