વાત્સલ્યમ્ સમાચાર.
રિપોર્ટ :- રમેશ મહેશ્વરી – માંડવી કચ્છ.
માંડવી,તા-૧૮ સપ્ટેમ્બર : માતાનામઢ પદયાત્રી સેવા કેમ્પમાં ક્લોરીનેશન ટેસ્ટિંગ કામગીરી તેમજ મેડિકલ સેવા અપાઇ આરોગ્ય અને પરિવાર કલ્યાણ વિભાગ દ્વારા માતા અને બાળકના આરોગ્યને મજબૂત બનાવવા માટે સ્વસ્થ નારી– સશક્ત પરિવાર પખવાડિયું” અંતર્ગત વિશેષ આરોગ્ય અને રસીકરણ સેવાઓનું આયોજન કરવામાં આવ્યું છે. જે અંતર્ગત આજરોજ કચ્છમાં શહેર તથા ગામોમાં યોજાયેલા મેડીકલ કેમ્પનો મહિલા, તરૂણીઓ તથા બાળકોએ લાભ લીધો હતો.“સ્વસ્થ નારી – સશક્ત પરિવાર પખવાડિયું”ની ઉજવણી અંતર્ગત મહિલાઓ અને બાળકોને વિવિધ આરોગ્યલક્ષી સેવાઓ તેમજ રસીકરણ સુવિધાઓ પૂરી પાડવામાંનો સરકારનો ઉદેશ્ય છે ત્યારે કચ્છમાં આયુષ્માન આરોગ્ય મંદિરો (AAMs), પ્રાથમિક આરોગ્ય કેન્દ્રો (PHC), શહેરી આયુષ્માન આરોગ્ય મંદિરો (UPHC/UAAM), સામૂહિક આરોગ્ય કેન્દ્રો ખાતે આરોગ્ય શિબિરો યોજાઇ હતી. કોઠારા, ઘડુલી, દયાપર, ગાંધીધામ, દરશડી, ધાણેટી, ભીરંડીયારા, ઝરપરા, કૂડા જામપર સહિતના ગામોમાં યોજાયેલી આરોગ્ય શિબિરોમાં મહિલાઓ માટે ચકાસણી અને આરોગ્ય સેવાઓ, ENT, આંખ, બ્લડ પ્રેશર, બ્લડ શુગર અને ડેન્ટલ ચેક-અપ, કેન્સર (મોં, સ્તન, ગર્ભાશય)ની ચકાસણી, રસીકરણ સેવાઓ,ગર્ભવતી મહિલાઓની પૂર્વ પ્રસૂતિ તપાસ, એનિમિયા સ્તર ચકાસણી, ટેલિમેડિસિન સુવિધાઓ, ક્ષયરોગ (ટીબી) ચકાસણી, સિકલ સેલ એનિમિયા ચકાસણી કરવામાં આવી હતી. જિલ્લા હોસ્પિટલો (DH)/CHC, PHC) ડૉક્ટર્સ તેમજ સ્ત્રીરોગ નિષ્ણાંત, આંખના નિષ્ણાંત, ENT નિષ્ણાંત, ત્વચારોગ નિષ્ણાંત, બાળરોગ નિષ્ણાંત, ફીઝીશયન, મનોચિકિત્સક, ડેન્ટલ સર્જન નિષ્ણાંતો દ્વારા માર્ગદર્શન આપવામાં આવ્યું હતું. આ સાથે સ્થૂળતા ઓછી કરવી, સ્થાનિક તથા પ્રાદેશિક ખોરાકના પ્રચાર-પ્રસાર, બાળપણથી જ પોષણ તથા યોગ્ય ખાવા-પીવાની રીતો અપનાવવી, માસિક સ્વચ્છતા તથા પોષણ અંગે જાગૃતિ, ટેક હોમ રેશન (THR)નું વિતરણ કરી તંદુરસ્ત જીવનશૈલી વિશે લાભાર્થીઓને માહિતગાર કરવામાં આવ્યા હતા.આરોગ્યની વિવિધ સેવાઓમાં જેવી કે માતા અને બાળક સંરક્ષણ (MCP) કાર્ડ, પ્રધાનમંત્રી માતૃ વંદના યોજના નોંધણી, આયુષ્માન વય વંદના કાર્ડ, સિકલ સેલ કાર્ડ, પોષણ ટ્રેકરમાં લાભાર્થીઓની નોંધણી સહિતની કામગીરી પણ કરાઇ હતી. આ સાથે જ પ્રાથમિક આરોગ્ય કેન્દ્ર ધાણેટી દ્વારા આ વિસ્તારમાં આવતા માતાનામઢ પદયાત્રી સેવા કેમ્પ સ્થળ ઉપર ક્લોરીનેશન ટેસ્ટિંગ કામગીરી તેમજ મેડિકલ સેવા કામગીરી પણ કરવામાં આવી હતી. ઉપરાંત ભાવિકોને પ્રાથમિક સારવાર કીટ સાથે પદયાત્રીઓને આરોગ્યને લગતી કોઈ જ તકલીફ ના પડે તે માટે પદયાત્રી સેવા કેમ્પમાં સહકાર આપવામાં આવ્યો હતો.
