તા.૦૫.૧૨.૨૦૨૫
વાત્સલ્યમ્ સમાચાર
અજય સાંસી દાહોદ
Dahod:ગામે ગામ આરોગ્ય કિરણ : દાહોદ જીલ્લામાં આરોગ્યનું ઉજાસ કિરણ કાર્યક્રમ સફળતાપૂર્વક અમલમાં મુકવામાં આવ્યો
દાહોદ જીલ્લામાં આરોગ્ય અને પરિવાર કલ્યાણ વિભાગ, જીલ્લા પંચાયત દાહોદ દ્વારા જીલ્લા વિકાસ અધિકારી સ્મિત લોઢાનાં માર્ગદર્શન હેઠળ તથા મુખ્ય જિલ્લા આરોગ્ય અધિકારી ડૉ. ઉદય ટીલાવતના દિશા–સૂચન હેઠળ “ગામે ગામ આરોગ્ય કિરણ” કાર્યક્રમ સફળતાપૂર્વક અમલમાં મુકવામાં આવ્યો છે.આ કાર્યક્રમ અંતર્ગત જિલ્લામાં આવેલી 102 શાળાઓમાં કુલ 7970 બાળકોને આરોગ્ય શિક્ષણ આપવામાં આવ્યું. જેમાં સિકલ સેલ, બાળરોગ, એનિમિયા, ટીબી, મેલેરિયા, ડેન્ગ્યુ, કુષ્ઠરોગ, ડાયાબિટીસ, પાણીજન્ય રોગો, સ્વચ્છતા, યોગ્ય પોષણકડી તથા અન્ય આરોગ્ય સંબંધિત મુદ્દાઓ પર વિગતવાર માર્ગદર્શન આપવામાં આવ્યું.બાળકોને વધુ અસરકારક રીતે સમજાવી શકાય તે માટે પ્રોજેક્ટર દ્વારા વિવિધ આરોગ્ય સંબંધિત વિડિઓ અને PPT પ્રસ્તુતિઓ દર્શાવવામાં આવી આરોગ્ય અંગે જાગૃતિ અને સમજણ વધે.કાર્યક્રમ દરમિયાન બાળકોની હાથ ધોવાની યોગ્ય રીત બતાવવામાં આવી અને વિવિધ આરોગ્ય તપાસો પણ કરવામાં આવી, જેમાં:ખાંસી–શરદી–તાવ : 1254 કેસ સિકલ સેલ જોવા માટે : 382 વિદ્યાર્થીઓની સ્ક્રીનિંગ ટીબી માટે : 24ની તપાસ એનિમિયા : 1904 વિદ્યાર્થીઓની તપાસ તેમજ 177 વિદ્યાર્થીઓના આભા કાર્ડ બનાવવામાં આવ્યા દાહોદ જીલ્લા આરોગ્ય વિભાગનો આ અનોખો પ્રયાસ ખરેખર “ગામે ગામ આરોગ્ય કિરણ” બને છે અને ગામડાંમાં આરોગ્યનું ઉજાસ કિરણ ફેલાવી રહ્યો છે.
