MORBI:મોરબીના ભક્તિનગર સર્કલ પાસે 62.42 લાખના ખર્ચે બનશે આધુનિક ગાર્ડન: શહેરના સૌંદર્યમાં થશે વધારો
MORBI:મોરબીના ભક્તિનગર સર્કલ પાસે 62.42 લાખના ખર્ચે બનશે આધુનિક ગાર્ડન: શહેરના સૌંદર્યમાં થશે વધારો
મોરબી: મોરબી શહેરના નાગરિકોને હરિયાળું વાતાવરણ અને આરામદાયક ખુલ્લી જગ્યા મળી રહે તે હેતુથી નગરપાલિકા દ્વારા ભક્તિનગર સર્કલ નજીક એક ભવ્ય અને આધુનિક ગાર્ડનનો વિકાસ કરવામાં આવી રહ્યો છે. અંદાજે ₹62.42 લાખના ખર્ચે તૈયાર થનારા આ પ્રોજેક્ટથી શહેરના પૂર્વ અને પશ્ચિમ વિસ્તારના રહેવાસીઓને કુદરતી સાનિધ્ય અને હરવા-ફરવાનું ઉત્તમ સ્થળ મળશે.
પ્રોજેક્ટની મુખ્ય વિશેષતાઓ અને સુવિધાઓ
આ આધુનિક ગાર્ડન માત્ર હરિયાળી જ નહીં, પરંતુ અનેક અત્યાધુનિક સુવિધાઓથી સજ્જ હશે: ગાર્ડનનું એન્ટ્રી ગેટ CNC કટિંગ ડિઝાઇન, RCC પિલર્સ અને આધુનિક રિવોલ્વિંગ ગેટ સાથે આકર્ષક બનાવવામાં આવશે.
વોકિંગ ટ્રેક: સ્વાસ્થ્ય પ્રેમીઓ માટે 1.5 થી 2.0 મીટર પહોળો સ્લિપ રેઝિસ્ટન્ટ વોકિંગ ટ્રેક બનાવવામાં આવશે, જે લાંબા સમય સુધી ટકાઉ રહેશે. અતિક્રમણ રોકવા માટે મજબૂત RCC ફાઉન્ડેશન અને MS રેલિંગ સાથેની કંપાઉન્ડ વોલનું નિર્માણ થશે. લોકોના આરામ માટે વર્તુળાકાર બેઠકો, કોટા સ્ટોન ફિનિશ ધરાવતી બેન્ચ અને સ્વચ્છતા જાળવવા ઠેર-ઠેર કચરાપેટીઓ મુકાશે.: રાત્રિના સમયે સુરક્ષા અને શોભા વધારવા માટે 4 મીટર ઊંચા ડેકોરેટિવ પોલ્સ અને IP65 સ્ટાન્ડર્ડની LED લાઇટ્સ લગાવવામાં આવશે.
કલર થીમ આધારિત લેન્ડસ્કેપિંગ ગાર્ડનની સૌથી મોટી વિશેષતા તેનું વૃક્ષારોપણ છે. અહીં કુદરતી સૌંદર્ય જળવાઈ રહે તે માટે કલર થીમ મુજબ નીચે મુજબના વૃક્ષો વાવવામાં આવશે: ટેબેબુિયા અને જેકારાન્ડા (રંગબેરંગી ફૂલો માટે)
બોરસલી અને રેન ટ્રી (છાયા માટે) કેસુડો અને ગુલમોહર (સ્થાનિક વાતાવરણ મુજબ) વૈજ્ઞાનિક પદ્ધતિથી ડેવલપમેન્ટ
સાઇટ ડેવલપમેન્ટમાં ખાસ ધ્યાન આપવામાં આવ્યું છે, જેમાં જમીનનું 95% પ્રોક્ટર ડેન્સિટી સુધી કોમ્પેક્શન અને વરસાદી પાણીના નિકાલ માટે ચોક્કસ ગ્રેડિંગ કરવામાં આવશે. આનાથી ચોમાસા દરમિયાન ગાર્ડનમાં પાણી ભરાવાની સમસ્યા રહેશે નહીં.આ પ્રોજેક્ટ પૂર્ણ થયા બાદ મોરબીના નાગરિકોને એક સ્વચ્છ, સુરક્ષિત અને હરિયાળું પર્યાવરણ મળશે જે માનસિક શાંતિની સાથે શહેરની રોનકમાં પણ વધારો કરશે.
