હાલોલ-રવાલીયા અને કાકરાડુંગરી વચ્ચે ઇકો કાર ચાલકે એકટીવાને અડફેટે લેતા એકટીવા ઉપર સવાર ત્રણ લોકો ઇજાગ્રસ્ત, ત્રણેય ઈજાગ્રસ્તોને વધુ સારવાર અર્થે વડોદરા રીફર કરાયા
રિપોર્ટર. કાદિર દાઢી.હાલોલ
તા.૨૨.૧૧.૨૦૨૪
હાલોલ તાલુકાના રવાલીયા અને કાકરાડુંગરી વચ્ચે ઇકો કાર ચાલકે એકટીવાને અડફેટે લેતા એકટીવા ઉપર સવાર ત્રણ લોકો ઇજગ્રસ્ત થયા હતા.ત્રણેય ઈજાગ્રસ્તોને 108 એમ્બ્યુલન્સ મારફતે સારવાર માટે હાલોલ ની રેફરલ હોસ્પિટલ ખાતે ખસેડવામાં આવ્યા છે.હાલોલ તાલુકાના રવાલીયા ગામના ગણપતભાઈ સબુરભાઈ પરમાર તેમની પત્ની રેખાબેન અને પુત્ર ભાવેશ સાથે કાકરાડુંગરી ગયા હતા જેઓ આજે બપોરે પરત ઘરે જઈ રહ્યા હતા ત્યારે રવાલીયા તરફ થી સામે આવતી ઇકો કાર સાથે એકટીવા નો અકસ્માત સર્જાયો હતો. અકસ્માત માં એકટીવા સાથે ત્રણેય સવારો રોડ ઉપર ફંગોડાઇ ગયા હતા.એકટીવા ચાલાક ગણપતભાઈ ને મોઢા અને માથામાં ઇજાઓ પહોચી છે.તો તેમના પત્ની રેખાબેન ના બંને પગે ફ્રેકચર થયા છે અને પુત્ર ભાવેશને માથાના ભાગે ગંભીર ઈજાઓ થતા તમામ ને હાલોલ રેફરલ હોસ્પિટલમાં સારવાર આપી વધુ સારવાર અર્થે વડોદરા રીફર કરવામાં આવ્યા છે.
