વિજાપુર કસાઈવાડા મસ્જીદ પાસે પાર્ક કરેલી ઇકો કાર ની ચોરી પોલીસ મથકે નોંધાઇ ફરિયાદ
કાર ના સાયલેન્સર તેમજ ગાડીની મોંઘી વાસ્તુઓ ચોરાયા બાદ હવે કોઈ આખી કાર ઉઠાવી ગયો
વાત્સલ્યમ સમાચાર
સૈયદજી બુખારી વિજાપુર
વિજાપુર શહેરના કસાઈવાડા વિસ્તારમાં મોડી રાત સુધી કેટલાક યુવકો જાગતા હોય છે અને કસાઈવાડા થી ચક્કર સુધી લોકોની રાત્રીના સમયે અવર જવર હોય છે ત્યારે ભરચક અવર જવર વાળા વિસ્તારમાં ઘણી વખત કાર ના સાયલેન્સર તો ગાડીની મોંઘી ચીજવસ્તુઓ ઉઠાવવા ની બૂમો પડી છે પણ કેટલાક લોકોએ કાર ની ચીજવસ્તુઓ ની નાની ચોરીઓ ના કારણે ફરિયાદ કરવા નું ટાળ્યું છે ત્યારે હવે આખી કાર મોડી રાત્રીએ કોઈ અજાણ્યા ઈસમો ચોરી જતા પોલીસ મથકે ઇકો કાર ના માલીકે ફરિયાદ નોધાવી છે જોકે ચક્કર સુધી પોલીસ ની પેટ્રોલીંગ પણ હોય છે પરંતુ હવે પેટ્રોલીંગ નો હદ વિસ્તાર વધારી ચક્કર દોશીવાડા બાલ્યા માઢ ચબુતરો વિસ્તાર સહીત આસપાસ પેટ્રોલીંગ હદ વધારવા ની ચોરીના બનાવને પગલે જરૂરી બન્યું છે આ અંગેની પોલીસ સુત્રોની પાસેથી મળતી માહીતી મુજબ સૈયદવાડા કસ્બા વિસ્તારમાં રહેતા એજાજ એહમદ સઈદ એહમદ સૈયદ પોતાની ઇકો કાર કાર નમ્બર જીજે 38 બી 6940 કસાઈવાડા મસ્જીદ ની પાસે પાર્ક કરી રાત્રી પોતાના ઘરે ગયા બાદ સ્થળ ઉપર ગાડી નહીં જણાઈ આવતા આસપાસ શોધ કરી હતી ત્યાર બાદ પોલીસ મથકે રૂપિયા 3,40,000 ની કિંમતની કાર કોઈ અજાણ્યા ઈસમો ચોરી ગયા હોવાની ફરિયાદ એજાજ એહમદ સૈયદ પોલીસ મથકે નોધાવી છે પોલીસે અજાણ્યા ઈસમો સામે ગુનો નોંધી તપાસ હાથ ધરી છે