વાત્સલ્યમ સમાચાર
મદન વૈષ્ણવ
ડાંગ જિલ્લાનાં વઘઈ તાલુકાના ગોદડીયા ગામના કાકા તેમની ભત્રીજી ને લેવા માટે તેણીની સાસરીમાં ભેંસકાતરી ગામ ખાતે પહોંચ્યા હતા. પરંતુ ત્યાં તેણીના સાસરી પક્ષના એ ભત્રીજી ને કાકા સાથે ઘરે જવાનું ના પાડી દેતા બંને પક્ષો વચ્ચે બોલાચાલી થઈ હતી અને ઝઘડો થયો હતો.તેમજ બંને પક્ષો વચ્ચે મારામારી થઈ હતી તેમજ એકબીજાને જાનથી મારી નાખવાની ધમકી આપવામાં આવી હતી.જે બધા સમગ્ર મામલો પોલીસ મથકે પહોંચ્યો હતો.વઘઈ તાલુકાના ગોદડીયા ગામ ખાતે રહેતા રામદાસભાઈ કાસ્યાભાઈ પવાર (ઉ. વ.૫૦) ના દીકરા પર તેમની ભત્રીજી આરસુબેનનો ફોન આવ્યો હતો અને તેણે કહ્યું હતું કે તેણીનો પતિ નિતેશ લગાભાઈ પવારે બીજી પત્ની રાખેલ જેથી તમે લેવા આવો એવો ફોન આવતા કાકા રામદાસભાઈ તથા તેના પરિવારના સભ્ય આરસુબેન ને તેમના ઘરે લઈ જવા માટે ભેંસકાતરી ગામ ખાતે તેણીના સાસરીમાં ગયા હતા. ત્યારે ત્યાં ઘેડુભાઇ જીવાભાઈ પવાર, જીતેશભાઈ લગાભાઈ પવાર, નિતેશભાઇ લગાભાઇ પવાર, હિતેશભાઈ લગાભાઈ પવાર, ઘેડુભાઈ જીવાભાઇ પવાર ની દીકરી તથા ઘેડુભાઈની પત્ની (તમામ રહે. ભેંસકાતરી , તા.વઘઈ જી.ડાંગ ) એ ભત્રીજી આરસુબેન ને કાકા સાથે ઘરે લઈ જવાની ના પાડી દીધી હતી.જે બાદ આ બંને પક્ષો વચ્ચે બોલાચાલી થઈ હતી. અને વાંસના દંડા વડે માર મારવામાં આવ્યો હતો. તેમજ બંને પક્ષોએ એકબીજાને જાનથી મારી નાખવાની ધમકી આપી હતી. જે બાદ આ સમગ્ર મામલો વઘઇ પોલીસ મથકે પહોંચ્યો હતો. જેમાં રામદાસ ભાઈ પવારએ ઘેડુભાઇ જીવાભાઈ પવાર, જીતેશભાઈ લગાભાઈ પવાર, નિતેશભાઇ લગાભાઇ પવાર, હિતેશભાઈ લગાભાઈ પવાર, ઘેડુભાઈ જીવાભાઇ પવાર ની દીકરી તથા ઘેડુભાઈની પત્ની (તમામ રહે. ભેંસકાતરી , તા.વઘઈ જી.ડાંગ ) વિરુદ્ધ પોલીસ ફરિયાદ નોંધાવી હતી અને ઘેડુભાઈ જીવાભાઇ પવાર એ રામદાસભાઇ કાસ્યાભાઇ પવાર , વિકીભાઇ રામદાસભાઇ પવાર ,પ્રવિણભાઇ રામદાસભાઇ પવાર , કાંતુભાઇ સીતારામભાઈ પવાર ,તારાબેન સીતારામભાઇ પવાર ,રાધાબેન કાસ્યાભાઇ પવાર (તમામ રહે.ગોદડીયા ગામ તા.વઘઇ જિ.ડાંગ) વિરુદ્ધ પોલીસ ફરિયાદ નોંધાવી હતી.હાલમાં વઘઈ પોલીસે બંને પક્ષોની ફરિયાદ નોંધી આગળની કાર્યવાહી હાથ ધરી છે.
